Kapangyarihan ng US, hindi nababali, lahat ng gusto nakukuha
- BULGAR
- Jan 6
- 2 min read
ni Ka Ambo @Bistado | January 6, 2026
Nagbalik na ang mga probinsyano sa Metro Manila.
Asahan ang matinding trapik.
-----$$$--
NAUUSO na naman ang nakawan.
Sintomas ng pagdarahop.
-----$$$--
KINOKONDENA ng Russia at China ang US.
Kumbaga, pare-pareho lang sila.
-----$$$--
Ang apat na taong giyerang Russia sa Ukraine ay ginawa lang ng “apat na oras” ng US sa Venezuela.
Nadukot agad si Nicolás Maduro.
----$$$--
PALPAK ang multi-bilyong dolyares na war armaments na pinakyaw ng Venezuela sa Russia at China.
‘Yan ang “gargantuan scam”.
----$$$--
MALINAW na balewala ang sopistikadong armas kapag walang kaukulang “Intel”.
Siyempre, kakambal d’yan ang mga “traydor sa bansa”.
-----$$$--
Panukat ngayon ang sitwasyon sa Latin America sa agresibong postura ng China sa West Philippine Sea.
Kinabugan si Xi Jin Ping bigla.
-----$$$--
Malinaw na malinaw na ang US pa rin ang hari sa daigdig.
Lahat ng gusto nila ay “hindi mababali”.
-----$$$--
Aktuwal ding pinatunayan ni US President Donald Trump na tumpak ang pagboto ng mga Kano sa kanyang posisyon.
Maka-America ang kanyang ideolohiya—kahit bastusin ang ibang bansa.
-----$$$--
SA totoo lang, hindi sila nagkakalayo ni Digong.
Nilalabag ang batas, basta’t nakataya ang “pagsugpo” sa krimen.
-----$$$--
NANGANGATOG naman sa takot ang mga huwes at prosekyutor ng International Criminal Court.
Maaari silang dukutin ng Russia o US kapag idineklara nilang lumabag sa human right si Trump.
-----$$$--
MALINAW na “hindi patas” ang batas ng ICC.
Dapat nang buwagin.
Naduduro o nabu-bully nila ang mga maliliit na bansa—gaya sa Africa at Pilipinas.
-----$$$--
NABUBUHAY lang ang ICC mula sa limos ng ibang bansa.
Paano makakapabigay ng hustisya ang isang “pulubi”?
-----$$$--
MAPAPARUSAHAN ba ng pulubi ang pilantropo na pinagmumulan ng kanilang pagkain?
Simpleng sentido-kumon, dapat nang buwagin ang ICC.
Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.
Comments