Kahit bangko ang nagkamali, pera sa tumalbog na tseke dapat ibalik

ni PAO Chief Persida Rueda-Acosta @Magtanong Kay Attorney | November 18, 2026

Dear Chief Acosta,
May-ari po ako ng maliit na negosyo. Ilang buwan na ang nakalipas noong nagdeposito ako ng malaking tseke sa business account ko sa bangko. Kinabukasan, nakita kong na-credit na agad ang halaga nito sa nasabing account, kaya't gumamit ako ng bahagi nito para bayaran ang mga suppliers ko. Pagkalipas ng ilang araw, tinawagan ako ng bangko at sinabing na-dishonor pala ang tsekeng idineposito ko, at diumano ay kailangan ko ibalik ang buong halagang na-withdraw ko. Puwede po ba talaga akong pilitin na ibalik ito, gayung nagamit ko na ang pera dahil pinabayaan naman akong makuha ito ng bangko mismo? — Jacklyn
Dear Jacklyn,
Para sa iyong kaalaman, sinagot na ng Korte Suprema ang halos katulad na sitwasyon sa kasong Yon Mitori International Industries vs. Union Bank of the Philippines (G.R. Blg. 225538, Oktubre 14, 2020), sa panulat ni Honorable Associate Justice Alfredo Benjamin S. Caguioa.
Sa nasabing kaso, nilinaw ng Korte Suprema ang prinsipyo ng unjust enrichment sa ilalim ng Artikulo 22 ng New Civil Code of the Philippines:
“The principle of unjust enrichment is codified under Article 22 of the Civil Code. It states:
ART. 22. Every person who through an act of performance by another, or any other means, acquires or comes into possession of something at the expense of the latter without just or legal ground, shall return the same to him.
There is unjust enrichment when a person unjustly retains a benefit to the loss of another, or when a person retains money or property of another against the fundamental principles of justice, equity, and good conscience.
For the principle to apply, the following requisites must concur: (i) a person is unjustly benefited; and (ii) such benefit is derived at the expense of or with damages to another. Expounding on these requisites, the Court, in University of the Philippines v. Philab Industries, Inc., held:
Unjust enrichment claims do not lie simply because one party benefits from the efforts or obligations of others, but instead it must be shown that a party was unjustly enriched in the sense that the term unjustly could mean illegally or unlawfully.
Moreover, to substantiate a claim for unjust enrichment, the claimant must unequivocally prove that another party knowingly received something of value to which he was not entitled and that the state of affairs are such that it would be unjust for the person to keep the benefit.”
Ipinaliwanag ng Korte Suprema na ang obligasyon ng bangko na i-credit ang halaga ng isang tseke ay umiiral lamang matapos itong ma-clear o mabayaran ng drawee bank. Kung ma-dishonor ang tseke, hindi kailanman nagkaroon ng karapatan ang depositor na tanggapin ang pera, kaya't ang pananatili at paggamit nito, kahit ang pagkakamali ay nagmula sa bangko, ay itinuring na unjust enrichment sa kapinsalaan ng bangko.
Kaya naman batay sa doktrina sa Yon Mitori vs. Union Bank, may karapatan pa rin ang bangko na hilingin sa iyo ang pagbalik ng buong halaga ng na-withdraw mo, sapagkat ang pananatili ng perang hindi mo dapat natanggap ay itinuturing na unjust enrichment sa iyong panig, kahit pa ang bangko mismo ang nagkamali sa maagang pag-credit nito.
Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay.
Maraming salamat sa iyong patuloy na pagtitiwala.





This article highlights an important lesson about financial responsibility and the obligation to return money received by mistake. After reading informative stories like this, I enjoy playing Snake Free which is a fun game that tests my focus and quick reflexes.