Imee Marcos, nakalaya sa anino ng kanyang ‘Ading’

ni Ka Ambo @Bistado | February 9, 2026

Kapit-tuko sa senate presidency si Tito Sotto.

May sumigaw sa likuran: “Tuta si Tito!”

---$$$--

Muntik na raw maging babae ang ulo ng Senado.

Baka masorpresa kayo, kapag ang maging ulo ng Senado ay biglang maging ”bakla”.

----$$$--

Nagtagumpay si Sen. Imee Marcos na makatakas mula sa anino ng kanyang “Ading”.

Malinaw na malinaw na hindi kaalyado ni PBBM ang kanyang “Manay”.

----$$$--

PERO, ano naman kaya ang katotohanan sa isang tsismis na magiging kaalyado ng mayorya sa Senado si Sen. Bong Go?

Wala pang opisyal na pahayag si Go hinggil dito.

-----$$$--

MAY mga nagsasabi na nagtatangka raw si Sen. Go na lumayo sa anino ni VP Sara?

Kumbaga, siya ang “lalakeng Imee”.

-----$$$--

HINDI ordinaryo sa pulitikang Pinoy ang mag-akrobat o maging isang “paru-paro”.

Kumbaga, sa Pilipinas, nauuso ang balimbing kapag pulitika ang pinag-uusapan.

-----$$$--

HINDI natin masisisi si Go sakaling magkaganyan ang sitwasyon.

Sa bagay, sa panahon ngayon ay mahalaga ang “political survival”.

-----$$$--

MAS angkop na sabihin na iniintriga lang ang kampo ni VP Sara kaya’t pumapasok ang “tsismis” kay Go.

Sa taktikang pulitika—kailangang “mawasak,mabuwag o malansag”ang bloke ni VP Sara.

-----$$$--

ISANG epektibong pambasag sa botong Duterte ay ang mapabaliktad si Go.

Iyan ay lipas nang estratehiya.

Pero, nananatiling epektib.

-----$$$--

WALA kasing debate sa isyu na “llamado” si VP Sara sa 2028.

Pero, ang terminong “llamado” ay jargon sa sugal o gambling particular sa pustahan sa sabong at karera ng kabayo.

----$$$--

ANG pagiging llamado ay hindi kasingkahulugan ng “sure win”.

Mahalagang maunawaan natin na minarkahan ng “llamado” sina ex-VP President Jejomar Binay, VP Noli de Castro at si Da King.

Parehong natalo si Binay at Da King, samantalang si Kabayan naman ay hindi man lamang nai-nominate o hindi naikandidato ng alinmang partido bilang pangulo ng bansa.

-----$$$--

SINA Binay, De Castro at Fernando Poe Jr ay pare-parehong No.1 sa opinion survey noon—2-3 taon bago mag-eleksiyon.

Hindi sila nakaupo sa Malacañang.

Iyan mismo ang dahilan kung bakit marami ang umaasang mabibigo si  VP Sara sa 2028.

-----$$$--

TALIWAS d’yan, si ex-President Ferdinand Edralin Marcos Sr.; ex-President Joseph Estrada; at ex-President Noynoy Aquino ay topnotcher sa lahat ng opinion survey bago mag-eleksiyon.

Nagwagi sila nang “landslide”sa presidential election.

Iyan naman ang modelo at padron ni VP Sara.

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.