Hindi patas at malupit na pagtrato sa empleyado na buntis

ni PAO Chief Persida Rueda-Acosta @Magtanong Kay Attorney | April 23, 2026

Dear Chief Acosta,

Nang malaman ng boss ko na buntis ako, inilipat nila ako sa malayong lugar ng opisina sa sumunod na linggo. Sinabi rin nila na kung hindi ko tatanggapin ang paglipat, ilalagay nila ako sa “floating status” nang walang sahod. Dahil pansamantala lamang diumano ito at para makaiwas sa isyu sa opisina, tinanggap ko na lamang ito. Ngunit hindi maiwasan na lumiban ako sa trabaho dahil sa sama ng pakiramdam dulot ng mahaba at nakakapagod na biyahe. Kahit pa may sapat naman akong leave credits, pinipilit pa rin akong pumasok o sinasabihan pang nagdadahilan lamang. Upang maiwasan ang pagliban o pagiging late sa trabaho, nakiusap akong ibalik muli sa dating lugar ng opisina ko o ilipat sa mas malapit sa tirahan ko. Pero nagulat na lang ako nang sabihin sa akin ng boss ko na permanente na diumano ang pagkakalipat sa akin, na taliwas sa sinabi nila sa akin noon. Dahil dito, napilitan akong magbitiw sa trabaho. May batas ba silang nalabag?

— Louisa

---

Dear Louisa,

Ang resignation ay ang pormal na pagbibitiw sa trabaho o opisina. Batay sa umiiral na panuntunan, ang employer, hindi ang empleyado, ang may pasanin na patunay na ang pagbibitiw sa trabaho ay boluntaryo. Higit pa rito, hindi maaaring umasa lamang ang employer sa kahinaan ng ebidensya ng empleyado. Sa halip, dapat ipakita ng employer sa pamamagitan ng malinaw, positibo, at nakakakumbinsi na ebidensya na ang pagbibitiw ay talagang boluntaryo. Ito ay naaayon sa patakaran ng Estado na magkaloob ng higit na proteksyon sa mga manggagawa.

Kaugnay nito, sa kasong Isabelle Francesca F. Paulino vs. Sutherland Global Services, Inc. – Clark, G.R. No. 262564, 06 Agosto 2025, sa panulat ni Kagalang-galang na Kasamang Mahistrado Henri Jean Paul B. Inting, tinalakay ng ating Korte Suprema na inuutos ng ating Konstitusyon na protektahan ang mga manggagawang kababaihan laban sa lahat ng anyo ng diskriminasyon at tiyaking tinatamasa nila ang disenteng kapaligiran sa trabaho, na may pagsasaalang-alang sa kanilang mga tungkulin bilang ina:

“Applied to the case, while petitioner in the first line of her resignation letter expressed her desire to immediately resign, the tenor of the succeeding 12 or more lines unmistakably show that she ‘was left with no option but to leave’ due to pregnancy discrimination. Worse, contrary to the CA’s declaration that the resignation was unconditional, the last line of petitioner’s letter expressly stated that her resignation is ‘without prejudice to the appropriate legal remedies which I may resort to in accordance with law. 

Third, the Supreme Court, as the prime duty bearer and as the last bulwark of justice and democracy, is constitutionally mandated to protect working women against all forms of discrimination and to ensure that they enjoy decent work environments, with due regard to their maternal functions.

Article XIII, Section 14 of the 1987 Constitution states:

SECTION 14.    The State shall protect working women by providing safe and healthful working conditions, taking into account their maternal functions, and such facilities and opportunities that will enhance their welfare and enable them to realize their full potential in the service of the nation.

Additionally, Section 5(b) in relation to Section 22 of the Magna Carta of Women reads:

SECTION 5. The State as the Primary Duty-Bearer. — The State, as the primary duty-bearer, shall: 

(b)   Protect women against discrimination and from violation of their rights by private corporations, entities, and individuals; and 

SECTION 22. Right to Decent Work. — The State shall progressively realize and ensure decent work standards for women that involve the creation of jobs of acceptable quality in conditions of freedom, equity, security, and human dignity.xxx

(b) The State shall further ensure:

(1)  Support services and gears to protect them from occupational and health hazards taking into account women’s maternal functions;”

Sang-ayon sa nabanggit na kaso, ang diskriminasyon ng employer laban sa empleyado dahil sa kanyang pagbubuntis ay itinuturing na constructive dismissal at isang paglabag sa Magna Carta of Women.

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay.

Maraming salamat sa iyong patuloy na pagtitiwala.