ni Erlinda Rapadas @Teka Nga | September 30, 2023
Hindi lang sa mga beauty products at clothing brands, insurance at life plan mabenta ngayon sina Heart Evangelista, Pia Wurtzbach at Bea Alonzo. Kinukuha na rin sila upang mag-endorse ng mga bagong tayong condo, townhouse at mga subdivision.
Malakas kasi ang hatak at recall sa publiko kapag sina Heart, Pia at Bea ang endorser ng real estate.
At ‘yun ang bentahe ng mga celebrities, kapag madalas silang nakikita sa TV at social media.
Si Heart ang paboritong endorser ngayon ng mga mahal at sikat na brands ng bags, pabango at clothing line.
Nagbunga nang maganda ang pagrampa ni Heart sa mga fashion events sa Paris, New York at Milan, Italy. Rubbing elbows siya sa mga sikat na fashion designers abroad at sa mga international ramp models.
Kumikita si Heart nang malaki kahit walang TV show at pelikula sa ‘Pinas. Ngayon ay may bagong collaboration si Heart sa Italian luxury brand na Fornasetti.
Ang Fornasetti ay isang artistic design company na itinayo noong 1940 ni Piero Fornasetti. Ito ang gumagawa ng luxury porcelain at handmade decorative objects para sa bahay ng mga rich and famous.
Makikipag-collab si Heart Evangelista para sa Fornasetti Home Decor collection for 2024! Bongga!