Sa pagsasabong sa kanila ni Heart… PIA: AYOKO NA NG KOMPETISYON

ni Vinia Vivar @Frankly Speaking | May 20, 2025

Photo: Pia Wurtzbach at Heart Evangelista - IG

Inamin ni Miss Universe 2015 Pia Wurtzbach na ikinagulat din niya na tila nagkaroon na ng kompetisyon sa fashion industry.

Sa kanyang panayam sa Preview.Ph bilang covergirl ng May issue nito, diretsong sinabi ng beauty queen/influencer na hindi niya inakalang magiging numbers game ang fashion world.

“I was surprised and a little bit taken aback, honestly,” aniya. 

Sey pa niya, “I didn’t want this to be a competition. No, I didn’t want it to be.”

Aniya ay galing na siya sa (beauty) competition at ayaw na raw niyang madagdagan pa.

“Like, come on, I just came from a competition a couple of years ago, I don't want to be in another one,” sey niya.

As we all know, 2 years ago ay pinasok na ni Pia ang mundo ng fashion, attending different international fashion weeks. Kaagad umingay ang pangalan niya sa fashion industry at napabilang sa listahan ng mga top influencers.

Kasabay din nito ay ang tila pagkakaroon ng comparison sa pagitan nila ni Heart Evangelista na matagal na ring nasa fashion industry.

Ang mga netizens at fans na rin nila mismo ang naglagay ng kompetisyon sa pagitan nila.

Nito lang nakaraang Marso, sina Pia at Heart Evangelista ang nanguna as the most influential celebrities in this year’s Paris and Milan Fashion Weeks based on Media Impact Value (MIV).

Base sa inilabas na release ng Launchmetrics, nanguna si Heart as the Top Celebrity, landing in the No. 1 spot in the 2025 overall landscape ranking of Milan Fashion Week habang pumapangalawa naman si Pia.

---

INANUNSIYO ng Federation of Filipino Chinese Chambers of Commerce and Industry, Inc. (FFCCCII) ang bago nitong proyekto na TikTok (TT) Video Competition na puwedeng salihan ng ating mga artista, vloggers, influencers, content creators at kahit na simpleng tao.

Naging panauhin sa Pandesal Forum ni Wilson Lee Flores ng Kamuning Bakery ang newly-elected president ng FFCCCII na si Victor Lim kasama ang iba pang officers last Friday para magbigay ng detalye tungkol sa bagong proyektong ito.

Ang TikTok Video Competition ay bukas sa lahat ng Filipino youth, ages 18-35.

Ang video entry ay kailangang may habang 1-2 minutes, nasa MP4 format na may mga English subtitle na tutuon sa relasyon ng Pilipinas-China, kabilang ang mga personal/komunidad na kuwento, kultural na koneksiyon o mga pananaw para sa mas matatag na bilateral na ugnayan.

Hinihikayat ni Lim ang mga kabataang Pinoy na lumahok. 

Sey niya, “Ito na ang iyong pagkakataon para ipagdiwang ang ating ibinahaging kasaysayan sa pamamagitan ng pagkamalikhain. Hayaan ang iyong mga video sa TikTok na magbigay ng inspirasyon sa pagkakaisa at ipakita ang masiglang kinabukasan ng relasyon ng Pilipinas at China.”

Layunin ng TT Video Competition na hikayatin ang mga kabataang Filipino na mag-focus sa milestone, kuwento at mga hangarin sa hinaharap ng makasaysayang relasyon ng Pilipinas at China.

Kailangang i-upload ang video sa TikTok gamit ang hashtag na #PHChina50Years at i-tag ang @ffcccII.official. Magrehistro at magsumite ng mga entry hanggang Mayo 27 sa pamamagitan ng opisyal na QR code (na matatagpuan sa mga poster ng FFCCCII).

Ang mga mananalo ay iaanunsiyo sa June 8 at ang magwawagi ay magkakamit ng:

1st Prize, P100,000 thousand; 2nd Prize, P50,000 thouzand; 3rd Prize, P30,000 thousand; 10 Consolation Prizes na P10,000 thousand bawat isa; at 3 Special Citations, P20,000 thousand bawat isa.

Rumampa sa Cannes Filmfest… KYLIE, IBANG-IBA NA ANG HITSURA

ni Beth Gelena @Bulgary | May 20, 2025

Photo: Kylie Verzosa - IG

Um-attend ng Cannes Film Festival ang former beauty queen at Miss International na si Kylie Verzosa at very proud siyang naglakad sa red carpet.

Ani Kylie, “Such a dream to walk for L’Oreal Paris @lorealparis at the Cannes Film Festival.”

Aniya pa, “Matt Berry take my hand.”

Reaksiyon ng mga commenters:

“Last photo is giving Belle in Beauty and the Beast.”

Gandang-ganda sila sa suot na gown ng Pinay actress/beauty queen.

“Gorgeous gown.”

May nakapansin naman sa bagong looks umano ni Kylie.

“Ibang-iba na pala hitsura n’ya.”

“Carried well niya ang kanyang gown.”

“Hindi na maamo ‘yung mukha n’ya.”

“Never naging maamo mukha n’ya. BBP (Binibining Pilipinas) pa lang, medyo maasim na smile n’ya. Hahaha! Nadadaan lang sa make-up.”

“Hindi mo ba napanood ‘yung 2016 Miss International stint n’ya?”

“Ano’ng hindi maamo ang mukha n’ya noon? You’re blinded by hatred. Ang pretty n’ya kaya noon. Siguro supporter ka ng isang winner na questionable. Kayo ang noon pa maasim kay Kylie.”

“Curious lang, why is she always gracing red carpet events abroad? When she’s not even an international star?”

“MUSE!”

“Connections…”

“Because of L’Oreal pero personal invite, wala and her gown is chaka (panget).”

“Palamuti lang si ate mo girl d’yan. Puwede pala ‘yun, ‘noh, kahit wala kang entry, awra-awra lang.”

“Super nag-upgrade s’ya nu’ng naghiwalay sila ni Jake (Cuenca). Sobrang yaman ata talaga ng jowa n’ya ngayon, lagi silang abroad at 1st class lagi.”

---

Kaya ‘di pa nagpapakasal… GABBI AT KHALIL, PAREHONG MAY IBA PANG GUSTO

NAGSE-SHARE pala ang celebrity couple na sina Gabbi Garcia at Khalil Ramos kung ano ang naa-achieve nila sa kanilang career.

Ibinahagi ng dalawa ang kanilang personal dreams na gusto nilang ma-pursue in their respective careers.

Sa panayam ni Karen Davila for her YouTube (YT) vlog, Gabbi revealed that becoming a beauty queen is something she has long aspired to do.

“Gusto ko talagang mag-beauty queen. Until now... At some point in my career, I really wanted to do it na. I just hosted Miss Universe Philippines a few days ago,” ani ng Kapuso actress.

Pero, inamin niyang hindi practical at this stage of her career.

Aniya, “It gets difficult because of the back work. For example, the contracts. I’ve been in the showbiz industry for 11 years. Of course, I have engagements with brands, I have a network contract with GMA. I would have to give that all up just to join.”

Patuloy pa niya, “And if we’re gonna think smart about it, it’s not the smart thing to do, right? ‘Yung pangarap na ‘yun, kinda reaching for the stars na lang talaga kaya happy ako that I get to host Miss Universe-Philippines now.”

Sey naman ni Khalil, dream niyang ma-invade ang international acting.

“I really want to live my potential as an actor. It's not impossible now. We saw it with Ms. Dolly (de Leon), with Liza (Soberano) recently, so the Filipino presence in Hollywood and in other countries is very much aligned... I really want to take my talents elsewhere,” kuwento niya.

May interest din siya as a filmmaker.

Diin niya, “Later on in my life, I want to be a filmmaker. I want to direct and write.”

Eight years na ang relasyon nila as a couple at wala raw silang pressure para magmadaling pakasal.

“When it comes to marriage we talk about it... Of course, 'yun naman ‘yung goal, ‘di ba? Pero there is no pressure, and we also don’t pressure ourselves. People around us don’t pressure us as well kasi alam naman namin na ru’n din naman papunta. We are just taking our time,” paliwanag ni Gabbi.

Miss U, Top 4, misis ni Chiz, Top 13… HEART, NASAPAWAN NI PIA SA LAKAS NG HATAK SA PAGRAMPA ABROAD

ni Rohn Romulo @Run Wild | Oct. 7, 2024

Sa latest post sa Lefty website na isang influencer marketing platform, kasama ang global fashion at style icon na si Heart Evangelista sa Top 10 influencers sa Paris Fashion Week (PFW) together with other famous celebrities tulad nina Kylie Jenner, Rosie & Lisa (of Blackpink), Cardi B at Cha Eunwoo. 

Ayon sa naturang post, nakakuha si Heart ng $5.1 million worth of EMV (estimated media value) sa 15 shows na kanyang dinaluhan sa katatapos lang na PFW.  

Nag-create nga si Heart (na may 16.2M followers) ng multiple Instagram (IG) posts sa PFW, kung saan ang isa sa mga ito ay paghahanda niya sa Hôtel Lutetia para sa unang nirampahan, ang Dior fashion show.

Matatandaang last June lang, pinangalanan ng Launchmetrics, isang data and technology company, si Heart bilang isa sa Top 5 names para sa segment ng fashion at sportswear, kung saan nagtala siya ng $85 milyon na halaga ng media impact value (MIV).

Pinangalanan din ng Launchmetrics si Heart bilang isa sa Top 5 ambassadors mula sa rehiyon ng Asia-Pacific (APAC), na nagdala ng $3.6 milyong dolyar sa MIV.

Last October 2023, isinama rin siya ng Launchmetrics bilang top influencer sa Milan

Fashion Week, na nagdala ng $1.4 milyon na halaga ng MIV.

Sa Paris Haute Couture Week (PHCW) naman noong Hulyo, 2023, nakakuha si Heart ng $1.27 milyon na halaga ng MIV at noong 2022, naghatid din siya ng $1.4 million worth ng MIV sa PHCW din.

Bukod dito, napasama rin si Heart sa list ng Launchmetrics bilang isa sa Top 10 faces that “drove the highest Media Impact Value", partikular para sa New York at PFW noong 2022. 

Ayon sa company, nagtala si Heart ng $429,000 worth ng MIV sa New York Fashion Week (NYFW). 

Samantala, ang mga posts ni Heart sa PFW ay nagkakahalaga ng $1.5 milyon MIV.

Ganu’n pala talaga kabongga ang influence ni Heart Evangelista at patuloy niyang pinatutunayan na worth siyang imbitahin sa international fashion events dahil nakaka-deliver nga siya ng multi-million dollars-worth ng media mileage.

---

Samantala, base rin sa naunang post ng fashion platform na Lefty, naungusan pala ni Pia Wurtzbach-Jauncey (with 14.8M followers) si Heart base sa laki ng nakuha nilang MIV na tinatawag ding EMV (estimated media value).

Pasok sa 4th spot si 2015 Miss Universe, na kumita raw ng $7.59 million (MIV) mula sa 11 runway shows. Kabilang dito ang pagrampa ni Pia sa Dolce & Gabbana, Boss, at Gucci.

Habang nasa 13th spot naman ang asawa ni Sen. Chiz Escudero, na humamig naman ng $2.99 million (MIV) from 16 shows tulad ng Fendi, Diesel, at Gucci.

Kasama sa list sa Top 15 influencers sa Milan Fashion Week (MFW) Spring/Summer 2025 ang mga K-pop stars na Enhypen (1st), Karina ng aespa (2nd), Jin ng BTS (3rd), Jaehyun ng NCT (7th), at Momo ng Twice (10th).

Pasok sa 11th spot ang South Korean actress na si Moon Ga-young at ang Thai actor na si Gulf Kanawut ang nakakuha ng 12th position.

Dahil dito, lalo pa ngang tumindi ang labanan nina Heart Evangelista at Pia Wurtzbach sa pabonggahan sa pagrampa sa international fashion shows.

---

MAY special treat ang GMA Pictures para sa mga teachers and students, dahil makakakuha sila ng discounted ticket sa mga sinehan, kung saan ipapalabas ang Balota na pinagbibidahan ni Marian Rivera.  

Ang kailangan lang nilang gawin ay dalhin ang kanilang valid school ID.

Ang Balota ay isa sa mga box office hits sa Cinemalaya 2024, kaya aabangan kung magiging blockbuster din ito sa muling pagpapalabas simula Oktubre 16 sa bago nitong bersiyon.

Dahil sa mahusay na pagganap ni Marian bilang ‘Teacher Emmy’ sa pelikula ay nagbigay ito sa kanya ng Best Actress award sa XX Cinemalaya Film Festival noong Agosto, na kung saan ka-tie niya si Gabby Padilla (para sa Kono Basho).

Ang Balota ay mula sa direksiyon ni Kip Oebanda. Magkakaroon din ito ng international premiere sa Hawaii International Film Festival (HIFF) sa buwang ito.