Gobyerno, tila walang solusyon sa krisis sa bansa
- BULGAR
- 6 hours ago
- 2 min read
ni Ka Ambo @Bistado | March 17, 2026
Binakuran nang todo ang paligid ng Malacañang.
Eh, bakit?
-----$$$---
HIGIT nang P100 kada litro ng diesel.
Saklolo!
-----$$$---
MAAARING umabot sa P60 ang palit ng kada isang dolyar.
Tataas ang presyo ng mga bilihin lalo na ang imported goods.
-----$$$--
NAKIKISABAY ang Meralco.
Itataas din ng singil sa konsumo ng elektrisidad.
-----$$$--
SIYEMPRE, hindi papayag ang mga tsuper at operators.
Magpapalobo rin sa singil sa pasahe.
-----$$$--
AUTOMATIC, lalaki rin ang singil sa biyahe ng eroplano at barko.
Hindi rin bibiyahe ang maraming public vehicles.
-----$$$--
APEKTADO ang galaw ng mga tao.
Aktuwal na dispalinghado ang takbo ng ekonomiya.
-----$$$--
HIGIT sa pandemic ng Covid 19 ang mararanasan natin.
Asahan ang pagdami ng krimen lalo na ang pagnanakaw, estafa at scam.
-----$$$---
MARAMI ang aatakehin sa puso at iba pang sakit dahil sa “stress” at paghina ng immune system.
Dadami ang bilang ng mga yayaong hindi makakatikim ng doktor at ospital.
-----$$$--
MARAMI ang kaso ng pagkabaliw.
Dadami rin ang kaso ng pagpapatiwakal.
-----$$$--
MARAMI ang mawawalan ng trabaho.
Maraming pamilya ang mag-aaway-away dahil sa pera at utang.
-----$$$---
DADAMI ang magno-novena sa Simbahang Katoliko at magba-bible reading sa ibang sekta.
Isasandal ang kanilang buhay sa “dasal” at sa kanilang ng mga Diyos!
-----$$$--
WALANG mabisang paraan ang gobyerno upang matulungan ang mga nagdarahop.
Madaragdagan ang utang ng bansa—pero, nanakawin ulit ito ng mga buwitre sa pamahalaan.
-----$$$--
Ang krisis sa ekonomiya kahit saang bansa, ay magbubunsod sa panghihina ng istruktura ng gobyerno.
Sa ibang lugar, ang pagkagutom ay nagbubunga ng kaguluhan o pambabastos sa batas.
-----$$$--
ISANG Haring Solomon ang kailangan natin ngayon.
Iyan ba ay si PBBM?
Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.
Comments