ni Lolet Abania | June 13, 2021
Natanggap na ng singer-actress na si Glaiza de Castro ang unang shot ng COVID-19 vaccine.
Sa kanyang Instagram Stories, nai-share ni Glaiza ang isang video habang siya ay tinuturukan ng COVID-19 vaccine at kung saan nakasuot siya ng statement shirt na may nakasulat na “swerteng bata.”
“May swerteng bata na nabakunahan today #IngatAngatBakunaLahat,” caption ni Glaiza sa kanyang post. Bukod kay Glaiza, ang iba pang celebrities gaya nina Dingdong Dantes, Marian Rivera, Bianca Gonzales, Maris Racal, at Rico Blanco ay nakatanggap na rin ng kanilang doses ng bakuna.
Bilang entertainment workers, ang mga celebrities ay bahagi ng A4 category, kung saan kasama ang media at entertainment industry, delivery service riders, self-employed, at iba pang manggagawa na pumapasok sa kanilang pinagtatrabahuhan.