top of page
BULGARY - PRIME MINISTER NG TIMOR-LESTE, NAPASAYAW SA KANTA NG SB19_IG _officialSB19.jpeg

Ginastos sa ASEAN dapat i-check na ng COA kung walang napunta sa ‘bulsa ng mga buwaya’

Writer: BULGAR
BULGAR
3 hours ago
2 min read

ni Pablo Hernandez @Prangkahan | November 19, 2026



Prangkahan ni Pablo Hernandez


DAHIL TAPOS NA ANG ASEAN SUMMIT, DAPAT I-AUDIT NG COA KUNG SA P22.9B PINONDO RITO, AY WALANG NAPUNTA SA BULSA NG MGA KURAKOT — Tapos na ang ASEAN Summit and Related Summit sa Pilipinas.


Ngayong tapos na, ang dapat gawin ng Commission on Audit (COA) ay umpisahan na ang pag-audit sa P22.9 bilyong ipinondo ng Marcos administration para malaman kung nagamit nang tama ang perang ito ng bayan o may mga napunta sa bulsa ng mga buwaya sa pamahalaan, period!


XXX


SABLAY ANG KILOS-PROTESTA NG MGA MILITANTENG ANTI-PAX SILICA — Sablay pala ang isinagawang kilos-protesta ng mga militante na bumabatikos sa isyung Pax Silica nina United States (US) President Donald Trump at President Ferdinand “Bongbong” Marcos jr., (PBBM).


Sinabi kasi ni PBBM na hindi naman daw nila napag-uusapan ni Trump ang tungkol sa Pax Silica at wala rin daw silang pipirmahang kasunduan patungkol sa Pax Silica, boom!


XXX


HINDI DAPAT PIGILAN; SA HALIP, DAPAT HIKAYATIN NG DEPENSA ANG MAG-ASAWANG VP SARA AT ATTY. MANS NA HUMARAP SA IMPEACHMENT COURT — Kinumpirma ng defense team na hindi nila patetestiguhin sa impeachment court si Vice President Sara Duterte, gayundin ang mister nito na si Atty. Mans Carpio.


Pambihira naman 'tong defense team kasi imbes na hikayatin nila sina VP Sara at Atty. Mans na humarap sa impeachment court dahil sila lang ang mas nakakaalam kung may katotohanan o wala ang mga alegasyon ng corruption, unexplained wealth sa Statement of Assets, Liabilities and Net Worth (SALN) ng Bise Presidente, eh sila pa (defense team) ang pumipigil na huwag masalang sa trial ang mag-asawang ito, tsk!


XXX


HINDI LANG DAPAT SA CUSTOMS AT BIR MAGKAROON NG LIFESTYLE CHECK, DAPAT PATI RIN SA DPWH — Sinabi ni Ombudsman Boying Remulla na magsasagawa sila ng lifestyle check sa mga taga-Customs at Bureau of Internal Revenue (BIR).


Aba, teka, bakit sa Customs at BIR lang? Dapat isama sa lifestyle check ang mga taga-Department of Public Works and Highways (DPWH) kasi garapalan din ang corruption sa departamentong 'yan ng pamahalaan, period!



Comments


Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
bottom of page