Ganern, Karla?.. DANIEL, PINIGILAN ANG MGA PINSAN NA MAG-ARTISTA

ni Reggee Bonoan - @Sheet Matters | April 29, 2021

Kung si Daniel Padilla ang masusunod ay ayaw niyang mag-showbiz ang pinsan niyang magkapatid na sina Analain at Ashton Salvador dahil nga baka magulo ang buhay ng dalawa.

Pero walang nagawa ang aktor dahil hindi rin niya napigilan ang mga ito. Isa sina Analain at Ashton sa mga bagong miyembro ng Squad Plus na binuo ng Star Magic.

Mahiyain si Ashton sa pagharap sa TV camera kumpara sa ate niyang si Analain.

Sabi ni Analain, “Ever since kasi, I had a passion for acting. That’s what made me go into showbiz, gusto kong humusay sa pag-arte.

“When I first heard it sa tita ko, I was very excited to join a new family. Actually, this is my first family sa showbiz.

“Bilang Kapamilya, na-excite ako na I get to enter showbiz and magpakita ng talento because I have a passion for acting and I actually want to be good at it.

“Natuwa rin ako na marami akong kasabay na kaedad ko. Hindi ako mag-isa and siyempre, mas natuwa ako na sabay kami ng brother ko pumasok at alam kong hindi ako nag-iisa na baguhan sa showbiz. Kaya it feels overwhelming and nakakataba ng puso na I’m part of Kapamilya now.”

Say naman ni Ashton, “Kinabahan ako. Speechless dahil hindi ko na-imagine na papasok ako sa ganitong industriya ng pag-aartista.

“Kinakabahan pa rin ako. Gusto ko rin naman talaga, kaso mahiyain ako kaya medyo nahirapan din akong pumasok kasi hindi ko kaya magpakita sa camera.”

Ang dahilan kaya hindi pumayag nu’ng una si Daniel na pasukin nila ang showbiz, “When Kuya DJ first heard na papasok kami sa showbiz, ayaw niya talaga kasi he wants us to finish school first.

“But then, kinausap naman kami na hindi pa rin namin pababayaan 'yung pag-aaral namin kasi of course, he also wants to finish college and high school.

“Kaya we promised kina Kuya DJ, kina Tita Karla, to our mom, na kahit ano'ng mangyari, kahit maging busy man 'yung schedule namin in the future, we promise na tatapusin namin 'yung pag-aaral namin,” kuwento ng dalagang pinsan ng aktor.

Sa kasalukuyan ay may gagawing serye si Analain pero hindi pa binanggit kung ano ito at si Ashton naman ay wala pang project sa ngayon.