Ex ni Raymart, mas priority daw… JODI, ‘DI INIMBITA SA PARTY NI MR. M DAHIL KAY CLAUDINE

ni Beth Gelena @Bulgary | March 23, 2024

Todo-reak si Claudine Barretto sa hindi pagsipot ni Jodi Sta. Maria sa tribute party para kay Mr. M (Johnny Manahan). 

Isa ang aktres sa mga anak-anakan ni Mr. M. 

Kamakailan lang ay binigyan ng tribute party si Mr. M at maraming former and present Star Magic artists ang dumalo para ipakita ang pagmamahal sa kanya. 

Pagkatapos ng event, saka lang may nakaalalang wala ang aktres na si Jodi. 

Sa vlog ng talent manager-vlogger na si Ogie Diaz, sinabi niyang may source na nag-reveal na nag-decide ang organizer na i-cancel ang  invitation na ipinadala kay Jodi. 

Invited daw talaga si Jodi, pero na-reverse kasi may alegasyon umano na mas prioritized ang presensiya ni Claudine. 

Si Jodi ang current girlfriend ni Raymart Santiago, ang ex-husband ni Claudine.

Nang makapanayam ang aktres, aniya, “There was no need to create an issue with Jodi’s absence at the event.

“No! Hindi ko alam ‘yan,” pakli ng Optimum actress. 

Wika pa ni Claudine, “Kasi ano po, she has as much right to be there as I am… as I should be there.”

Aniya pa, party daw ‘yun ng kanilang mentor at may right daw si Jodi na dumalo. 

“So, hindi po totoo ‘yun. Wala po akong ganu’ng power para gawin ‘yun. Hindi talaga,” pagdidiin niya. 

Wala rin daw siyang idea kung nag-backout si Jodi o may ibang commitment din that time.