ni Nitz Miralles @Bida | November 25, 2023
This Saturday, November 25, 6:55 PM ang balik ni Michelle Dee mula sa sinalihang Miss Universe 2023. Welcome ang mga gustong sumalubong kay Michelle na kahit Top 10 ang inabot, mahal pa rin siya ng sambayanang Pilipino at “Queen” kung ituring.
Siguradong sa interview kay Michelle, matatanong siya kay Miss Thailand Anntonia Porsild na nanalong first runner-up at naging close kay Michelle. May mga nagbiro nga kay Michelle na hindi korona at sash ang inuwi, kundi si Miss Thailand.
Pagbalik ni Michelle, may project agad na naghihintay sa kanya.
Tweet nga niya, “Joining a show soon with a very “special role.” Any guesses?” at sinundan ng “Clue: ala-Freya.”
Sa ibinigay na clue ni Michelle, alam agad ng mga nakabasa na makakasama siya sa cast ng Sanggre at bagay siya rito lalo na kung may mga action scenes siya.
תגובות