ni Nitz Miralles @Bida | May 2, 2024
UMINGAY na naman ang bangayan ng mga supporters nina Heart Evangelista at Pia Wurtzbach dahil sa natanggap na award ng Miss Universe 2015 bilang Global Fashion Influencer of the Year mula sa The EMIGALA Awards.
Para sa mga fans ni Heart, mas dapat na siya ang nabigyan ng nasabing award. Kaya nang mag-post si Pia ng pasasalamat, meron agad nag-react.
Ang magandang post ni Pia, “Back in Manila but can’t help sharing this night! Deeply honored to receive the Global Fashion Influencer of the Year Award @theemigala. Thank you to everyone who has supported me on this journey! Let’s keep inspiring and empowering each other through style and creativity. So excited for what else is in store.”
Sagot naman ng isang netizen, “Heart Evangelista is still better. Congratulations though.”
Kung si Pia, dinedma ang komento na first pa naman sa mga nag-comment, ang kanyang mga supporters, hindi pumayag at niresbakan ang nag-comment. Hindi rin nagpatalo ang mga supporters ni Heart, kaya nag-away-away na ang Team Pia at Team Heart.
Lalo pang uminit ang bardagulan dahil sa suot na Bulgari Serpenti necklace ni Pia. Si Heart kasi ang unang nakitang nagsuot nito. Kaya may mga comment na mukhang bakla raw si Pia. Hindi nga lang masyadong napansin ang comment na ‘yun dahil mas marami ang pumuri sa beauty queen.
May legit question naman ang isang fan nina Heart at Pia, bakit daw nag-aaway-away ang mga fans ng dalawa at hindi na lang matuwa na after Heart, may Filipina beauty na sumusunod sa kanyang ginagawa.
Nagtuturuan ang dalawang kampo kung sino sa kanila ang nagsimula ng online bardagulan na hindi nakakaganda sa image nina Heart at Pia.