'Di lang si Mega… KC, PROUD NA BINIGYAN DIN NI SARAH NG BINE-BAKE NA CUPCAKES

ni Reggee Bonoan - @Sheet Matters | May 21, 2021

Nagulat at kinilig si KC Concepcion sa padalang freshly baked strawberry shortcake cupcakes ni Sarah Geronimo sa bago nitong bahay.

Ipinost ni KC ang larawan ng cupcakes sa kanyang IG stories na padala ng wifey ni Matteo Guidicelli.

“Are you drooling yet? Got the sweetest housewarming gift, freshly baked by our girl @justsarahgph!!! How gorgeous are these strawberry shortcake cupcakes??? I mean SRSLY. Ang babaw ng kaligayahan ko. Nakaka-touch talaga 'yung mga thoughtful gestures na ganito,” say ni Kristina Cassandra.

Dagdag pa nito, “I love you, Sars, and I miss you kahit hindi tayo everyday nag-uusap or nagkikita. Know na ikaw ‘yung dahilan bakit ako lumipat dito. Alam mo ‘yan.

“Pero I love you and kita tayo soon. Biking-biking, jogging-jogging, walking-walking, at kung anu-ano pa. (Matteo), hi! I’ll see you guys soon. Thank you again.”

Itinuring ni Sarah na nanay-nanayan si KC at naging inspirasyon ng huli ang Popstar Royalty na lumipat sa bahay at iwan ang condo-living.

Kamakailan din ay binigyan ni Sarah ang Mommy Mega ni KC na si Sharon Cuneta ng bineyk nitong Cereal Milk Tres Leches Cake kaya super touch din ang huli.