Certificate to file action, dapat dumaan sa katarungang pambarangay

ni Atty. Persida Rueda-Acosta @Magtanong Kay Attorney | August 6, 2024

Dear Chief Acosta,

Ipinabarangay ng nanay ko ang kapitbahay namin dahil mag-iisang taon nang hindi nagbabayad ng utang na may halagang P2,000.00. Nagpatawag ng pulong ang barangay, ngunit, may nakaiskedyul na bisita sa doktor ang nanay ko kaya hindi siya nakapunta. Nais ko lang malaman kung bakit kailangan naming magpa-barangay at hindi maaaring dumiretso na lamang sa korte? Maraming salamat.

-- Joyce

---

Dear Joyce,

Layunin ng ating pamahalaan na bawasan ang mga nakabinbing kaso sa korte, kaya hinihikayat nito na ayusin ang mga piling kaso sa pamamagitan ng ibang legal na proseso. Isa sa mga paraan para maayos ang mga alitan at maiwasang maging kaso sa korte ay ang mandatory mediation o conciliation proceedings sa harap ng katarungang pambarangay. 

Sa katunayan, sa ilalim ng ating batas at tuntunin ng korte, ang mediation o conciliation sa barangay ay kinakailangan sa ilang mga pagkakataon. Ayon sa Seksyon 412 ng Republic Act (R.A.) No. 7160 o mas kilala bilang Local Government Code of the Philippines:

“Section 412. Conciliation. -

Pre-condition to Filing of Complaint in Court. - No complaint, petition, action, or proceeding involving any matter within the authority of the lupon shall be filed or instituted directly in court or any other government office for adjudication, unless there has been a confrontation between the parties before the lupon chairman or the pangkat, and that no conciliation or settlement has been reached as certified by the lupon secretary or pangkat secretary as attested to by the lupon or pangkat chairman or unless the settlement has been repudiated by the parties thereto.”

Upang sagutin ang iyong katanungan, hindi maaaring dumiretso sa korte ng walang certificate to file action o dokumento na nagpapatunay na dumaan sa katarungang pambarangay ang mga simpleng kaso sa pagitan ng mga magkakapitbahay, gaya ng ‘di pagbabayad ng utang. 

Ang mga simpleng utang (simple loans) ay isa sa mga kasong sakop ng katarungang pambarangay. Ayon sa Seksyon 408 ng nasabing batas, ang lupon ng bawat barangay ay may awtoridad na pagsama-samahin ang mga partido na naninirahan sa parehong lungsod o munisipalidad para maayos ang mga hindi pagkakaunawaan, maliban lamang sa mga piling mga kaso. Ayon dito:

“Section 408. Subject Matter for Amicable Settlement; Exception Thereto. - The lupon of each barangay shall have authority to bring together the parties actually residing in the same city or municipality for amicable settlement of all disputes except:

(a) Where one party is the government, or any subdivision or instrumentality thereof;

(b) Where one party is a public officer or employee, and the dispute relates to the performance of his official functions;

(c) Offenses punishable by imprisonment exceeding one (1) year or a fine exceeding Five thousand pesos (P5,000.00);

(d) Offenses where there is no private offended party;

(e) Where the dispute involves real properties located in different cities or municipalities unless the parties thereto agree to submit their differences to amicable settlement by an appropriate lupon;

(f) Disputes involving parties who actually reside in barangays of different cities or municipalities, except where such barangay units adjoin each other and the parties thereto agree to submit their differences to amicable settlement by an appropriate lupon;

(g) Such other classes of disputes which the President may determine in the interest of Justice or upon the recommendation of the Secretary of Justice.”

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay.

Maraming salamat sa iyong patuloy na pagtitiwala.