Constructive dismissal dahil sa mga salita

ni PAO Chief Persida Rueda-Acosta @Magtanong Kay Attorney | April 16, 2026

Dear Chief Acosta,

Ano ba ang tinatawag na constructive dismissal? Sakop ba nito ang mga gawain o salita ng isang employer na labis na mabigat, matapang, o matalim na sadyang nagdudulot ng mabigat o mahirap na working environment? — Coby

---

Dear Coby, 

Ang sagot sa iyong katanungan ay matatagpuan sa mga kasong napagdesisyunan ng Korte Suprema. Para sa iyong kaalaman, ibinahagi sa kasong Bayview Management Consultants, Inc. vs. Pre (G.R. No. 220170, 19 August 2020) sa panulat ni Kagalang-galang na Kasamang Mahistrado Jose C. Reyes Jr., ang mga sumusunod:

 “There is constructive dismissal when an employer's act of clear discrimination, insensibility or disdain becomes so unbearable on the part of the employee so as to foreclose any choice on his part except to resign from such employment. It exists where there is involuntary resignation because of the harsh, hostile and unfavorable conditions set by the employer. We have held that the standard for constructive dismissal is "whether a reasonable person in the employee's position would have felt compelled to give up his employment under the circumstances."

“The unreasonably harsh conditions that compel resignation on the part of an employee must be way beyond the occasional discomforts brought about by the misunderstandings between the employer and employee. Strong words may sometimes be exchanged as the employer describes her expectations or as the employee narrates the conditions of her work environment and the obstacles she encounters as she accomplishes her assigned tasks. As in every human relationship, there are bound to be disagreements.

However, when these strong words from the employer happen without palpable reason or are expressed only for the purpose of degrading the dignity of the employee, then a hostile work environment will be created. In a sense, the doctrine of constructive dismissal has been a consistent vehicle by this Court to assert the dignity of labor.”

Hinggil sa nabanggit, nagkakaroon ng constructive dismissal kapag ang isang empleyado ay napilitang magbitiw, hindi dahil sa sariling kagustuhan, kundi dahil sa labis na hirap, pang-aapi, o hindi makatarungang trato ng employer. Kung ang pagtrato ay sobrang mabigat at hindi na matitiis ng isang makatwirang tao sa parehong kalagayan, at tila wala nang ibang opsyon kundi ang magbitiw sa trabaho, maituturing itong constructive dismissal.

Gayunman, hindi sapat ang simpleng hindi pagkakaunawaan, tampuhan, o paminsan-minsang matitinding salita. Tulad ng sinabi sa nabanggit na kaso, bahagi ito ng normal na ugnayan sa trabaho. Subalit kung ang masasakit o matatalim na salita ay walang sapat na dahilan, at sadyang nakasisira sa dignidad ng empleyado, maaari itong lumikha ng hindi magandang kapaligiran sa trabaho na maaaring magresulta sa constructive dismissal.

Sa kabuuan, ang mahalagang batayan ay hindi lamang ang pagkakaroon ng mabibigat na pananalita, ngunit gayundin ang kabuuang sitwasyon ay naging hindi na makatarungan at hindi na matitiis ng isang empleyado.

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay. 

Maraming salamat sa iyong patuloy na pagtitiwala.