Career talks at scholarship, gagamitin para dumami ang mahuhusay na guro

ni PAO Chief Persida Rueda-Acosta @Magtanong Kay Attorney | March 30, 2026

Dear Chief Acosta,

Maaari bang malaman kung may batas ba patungkol sa pagkakaroon ng isang opisina upang manghikayat sa ating mga may pinakamataas na kalibreng estudyante na pasukin ang propesyon ng pagtuturo? Isa po akong guro kaya nais ko itong malaman. Salamat po.

— Henna Fayae

---

Dear Henna Fayae,

Ang sagot sa iyong katanungan ay matatagpuan sa Seksyon 12 ng Republic Act (R.A.)  No. 11713, o kilala sa tawag na "Excellence in Teacher Education Act," na nagsasaad na:

“Section 12. Student Incentives Support Office. - A Student Incentives Support Office shall be established to create and implement programs that shall attract and encourage top caliber students to the teaching profession and shall establish a scholarship program for qualified students which the UniFAST Board shall implement. Its functions shall include the following:

1. In coordination with the DepEd, develop an annual implementation plan which shall include a thorough teacher demand analysis and recruitment campaign to attract incoming undergraduate students and program shifters to take on a teaching education program;

2. Establish a partnership program with private and public basic education schools for an annual career talk to orient and encourage top caliber students to join the teaching profession;

3. Provide screening guidelines for highly competent faculty and professionals from the TEIs who will qualify and serve as mentors for the pre-service teachers; and

4. Establish and maintain a scholarship program for deserving students pursuing undergraduate teacher education degree program:

1. Develop and conduct an annual competitive examination and qualification standards for incoming undergraduate students who may be granted full benefits of the TESP;

2. Monitor and ensure that TESP scholars complete their course only in private or public TEIs designated as COEs;

3. Coordinate with regional offices to ensure regional support and coordination in the implementation of the TESP;

4. Ensure that TESP scholars shall be mentored by highly competent faculty and professionals throughout the course of their study; and

5. Promulgate and periodically review for approval of the Council the qualification criteria for scholars and mentors."

Bilang kasagutan sa iyong katanungan at ayon na rin sa nabanggit na probisyon ng batas, binuo ang tinatawag na Incentives Support Office na siyang inaatasan na gumawa at magpatupad ng mga programa na hihikayat sa mga pinakamataas na kalibreng estudyante na pasukin ang propesyon ng pagtuturo. Karagdagan dito, ang Incentives Support Office ay kailangan magkaroon ng scholarship program para sa mga kwalipikadong estudyante na siyang ipapatupad ng Unified Student Financial Assistance System for Tertiary Education (UniFAST) Board.

Para rin sa iyong kaalaman, nakasaad sa nasabing probisyon ng batas ang ilan sa mga tungkulin ng Incentives Support Office, tulad ng pagtatatag ng isang partnership program sa mga pribado at pampublikong paaralan ng basic education para sa isang taunang career talk para magkaroon ng oryentasyon at hikayatin ang mga mahuhusay na estudyante na sumali sa propesyon ng pagtuturo. Gayundin, ang pagbibigay ng mga patnubay sa pagsusuri para sa mataas na karampatang mga guro at mga propesyonal mula sa mga teacher education institutions na magiging kwalipikado at magsisilbing mga tagapayo para sa mga guro bago ang serbisyo. Ito ang naging tugon ng ating gobyerno upang mahikayat ang mga nasabing estudyante na maging guro sa ating bansa.

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay.

Maraming salamat sa iyong patuloy na pagtitiwala.