Baste Duterte, ipapatawag sa impeachment trial

by BRO @News | September 28, 2026

Photo: File / Baste at Sara Duterte / Senate PH / FB

Posibleng humarap bilang testigo si Davao City Mayor Sebastian “Baste” Duterte sa impeachment trial ng kanyang kapatid na si Vice President Sara Duterte, habang tinututukan ng House prosecution ang umano’y hindi maipaliwanag na yaman nito.

Inaasahang tatawagin si Mayor Duterte matapos ang cross-examination kay Philippine Government Electronic Procurement System official Rendell Sopeña.

Ayon kay Sopeña, 49 food service contracts na nagkakahalaga ng P35 milyon ang iginawad sa Gencorp Industries Inc. ng mga tanggapan ng pamahalaan sa Davao Region.

Nakalista ang Gencorp sa business interests ni Sara Duterte sa kanyang SALNs mula 2016 hanggang 2025.

Samantala, sinabi ni Baste na wala siyang kaalaman sa umano’y interes ng kanyang kapatid sa kumpanya.