Kabit, kayang-kayang ipapatay... P5K lang halaga ng buhay sa ‘Pinas

ni Mylene Alfonso @News | July 31, 2026

Photo: FB / Circulated

Ginamit ni Vice President Sara Duterte ang isang hypothetical na halimbawa ng pag-upa ng gunman sa halagang P5,000 upang igiit na hindi maaaring ipalagay ng International Criminal Court (ICC) na lahat ng umano'y biktima sa kaso laban kay dating Pangulong Rodrigo Duterte ay napatay dahil sa kampanya kontra ilegal na droga.

Sa kanyang talumpati sa harap ng mga tagasuporta sa The Hague, Netherlands, sinabi ni Duterte na ang pagpapatupad ng isang programa ng pamahalaan, mabuti man o masama, ay hindi awtomatikong maituturing na crime against humanity.

“Now, the implementation of a program, whether it was good or bad, is not a crime against humanity,” aniya.

Upang ipaliwanag ang kanyang punto, nagbigay siya ng isang hypothetical na sitwasyon.

“I have a husband. My husband has a mistress. I can hire a gunman for 5,000 pesos to kill the mistress. That is how—for 5,000 pesos—that is how bad gun violence in the Philippines is,” ani Duterte.

Ayon pa sa Bise Presidente, maaaring iba-iba ang motibo sa mga pagpatay, gaya ng crime of passion, alitan sa relasyon, o holdap.

Hinding-hindi magre-resign... Sara kay BBM: Kung gusto mo, tanggalin mo 'ko

ni Mylene Alfonso @News | July 27, 2026

Photo: Sara Duterte at Bongbong Marcos - FB

Muling iginiit ni Vice President Sara Duterte na hindi siya magbibitiw sa puwesto sa kabila ng kinahaharap niyang impeachment trial.

Ayon kay Duterte, mananatili siya sa kanyang posisyon bilang paggalang sa mandato ng

mga botanteng nagluklok sa kanya sa puwesto.

“Hinding-hindi ako magre-resign. Dahil ‘yun ay parang betrayal sa 32.2 million na mga kababayan natin na bumoto sa akin,” wika ni Duterte sa panayam ng SMNI News Online nitong Sabado sa kanyang pagbisita sa Filipino community sa London, United Kingdom.

Dagdag pa niya, handa siyang harapin ang anumang hakbang laban sa kanya at hindi siya kusang aalis sa kanyang posisyon.

“Kung gusto ni BBM tanggalin niya ako. Gawin niya ang lahat, tanggalin niya ako,” dagdag ng Bise Presidente.

VP Sara, sumulpot sa Senado... “I will be bloodied but unbowed”

ni Mylene Alfonso @News | July 8, 2026

Photo: Senate PH

Iginiit ni Vice President Sara Duterte na mananatili siyang matatag sa kabila ng kinahaharap niyang impeachment trial.

Dumating si Duterte sa Senado, bandang alas-12 ng tanghali upang makipagpulong sa kanyang mga abogado na bumubuo sa defense team.

Sa maikling panayam sa media, sinabi ni Duterte na sa gitna ng matinding pag-atake at pagdurusa, masasaktan man siya ay hindi siya magpapasakop o magpapatalo.

“In this bloodbath and bludgeoning, I will be bloodied but unbowed,” wika ni Duterte.

Gayunman, hindi na nagbigay ng karagdagang pahayag ang Bise Presidente at hindi rin siya sumagot sa mga tanong ng media.

Bago dumating si Duterte, sa press conference, sinabi ni Atty. Michael Poa, Defense spokesperson, na hindi dadalo ang Bise Presidente sa ikalawang araw ng impeachment trial dahil mayroon pa siyang ibang nakatakdang mga gawain.

“Meron kaming napag-usapan na magkikita kami today dito sa holding room ng defense team para magpaliwanag ang ilang bagay-bagay, but she will not be attending the hearing, the scheduled hearing this afternoon,” dagdag pa niya.

Umalis si Duterte, ala-1:14 ng hapon matapos ang pulong sa kanyang mga abogado.