Walang namatay, tinanggal, o nag-resign — Azcuna... 16 boto pa rin para ma-convict si VP Sara

ni Mylene Alfonso @News | September 17, 2026

Photo: Retired Supreme Court Justice Adolfo Azcuna - Senate of the Philippines

Nanindigan si retired Supreme Court Justice Adolfo Azcuna sa Senate Impeachment Court na ang two-thirds voting threshold sa impeachment ay dapat ibatay sa lahat ng 24 senador, hindi lamang sa mga present o aktuwal na boboto.

Si Azcuna ay isa sa mga amici curiae o “friends of the court” na hinirang ng Senate Impeachment Court upang magbigay ng legal na opinyon hinggil sa tamang voting threshold sa paglilitis kay Vice President Sara Duterte.

“Right now, no one is dead, no one has resigned, no one has been removed. We have 24 [senators]. So 24 is the denominator,” ani Azcuna.

Aniya, hindi permanenteng numerong 16 ang isinulat sa Konstitusyon dahil maaaring magbago ang kabuuang membership ng Senado.

“Supposing, God forbid, one is removed or one resigns, or one dies, then the denominator becomes 23. That’s why we did not put 16 because 16 is not always two-thirds,” paliwanag nito.

Sa kasalukuyang 24-member Senate, ang two-thirds ay 16 boto. Nauna nang sinabi ni Azcuna na ang simpleng absence, detention o suspension ng isang senador ay hindi awtomatikong nag-aalis sa kanya sa “all the members” na ginagamit sa impeachment threshold.

Pangulo, pinagre-resign... Sara, galit lang sa akin — BBM

ni Mylene Alfonso @News | September 15, 2026

Photo: Bongbong Marcos at Sara Duterte - FB, OVP

Hindi apektado si Pangulong Ferdinand Marcos Jr. kaugnay sa naging pahayag ni Vice President Sara Duterte laban sa kanya at sa kanyang administrasyon.

Ayon kay Marcos, siya mismo ang pangunahing pinupuntirya ng galit ng Bise Presidente.

"You know I hear about them, I don't really have a response. She's very angry. I suppose with what's happening to her. And I am the target of that anger... or the main target for that anger," tugon ni Marcos sa naging mga banat sa kanya ni Duterte sa press conference sa sidelines ng BRIC Summit sa India.

"What can I do?...You cannot force anyone to love you," dugtong ng Pangulo.

Ang BRICS Summit ay taunang pagpupulong ng mga pinuno ng estado na nagsisilbing plataporma para sa konsultasyon at kooperasyon sa iba't ibang pandaigdigang isyu.

Noong Biyernes, nanawagan si Duterte na magbitiw sa puwesto si Pangulong Marcos sa isinagawang rally sa Quezon City Hall matapos maantala ang nakatakda sana niyang arraignment kaugnay ng kasong grave threats sa Quezon City trial court. 

Naipagpaliban ang arraignment dahil sa mosyong inihain ng kampo ni Duterte.

Sinungaling, abusado, korup, problema ng bayan... Sara kay BBM: Resign, lumayas ka na!

ni Mervin Reyes @News | September 12, 2026

Photo: Sinalubong mga hiyawan ng mga taga-suporta ni Vice President Sara Duterte nang dumating ito sa Quezon City Justice Hall para dumalo sa kanyang arraignment sa RTC Branch 98, subalit ito ay ipinagpaliban ng naturang korte. (Jeff Tumbado) 

Nanawagan si Vice President Sara Duterte kay Pangulong Ferdinand Marcos Jr. na magbitiw na sa puwesto, sa isang rally sa Quezon City Hall kahapon, matapos ang kanyang ipinagpalibang arraignment sa kasong grave threats.

“Patuloy tayong manawagan ng paglayas ng problema ng ating bayan na ang pangalan ay Bongbong Marcos. Resign, umalis ka diyan. Sinungaling ka, abusado ka, korup ka. Wala siyang utang na loob sa taumbayan. Wala siyang utang na loob sa lahat ng pumunta ng presinto para iluklok siya sa puwesto,” ani Duterte sa kanyang mga tagasuporta.

Hinimok din ang kanyang mga tagasuporta na patuloy na lumaban sa mga “abusado,” “adik” at “korup”.