Baste sa ICC warrant vs. Bato: May kasama na 'yung tatay ko doon

ni BRT @News | May 25, 2026

Photo: Rage Coalition - FB Ronald Del Rosa

Malungkot na masaya si Davao City Mayor Baste Duterte kaugnay ng arrest warrant ng International Criminal Court (ICC) laban kay Senator Ronald “Bato” dela Rosa.

Sa isang event ng “Rage Coalition” sa Mindanao nitong Sabado, nagbiro si Baste tungkol sa posibilidad na maipadala rin si Bato sa ICC sa The Hague, Netherlands kung saan nakakulong ngayon si dating Pangulong Rodrigo Duterte.

“Tingnan n'yo anong nangyari sa Senate. Nagputukan. Gusto na naman nila kunin si Bato, ipadala doon sa ICC. Nalungkot ako. At the same time, medyo masaya rin kasi may kasama na ‘yung tatay ko doon, if ever that will happen. It’s a bad joke. It’s a bad joke,” ani Baste.

Ang biro ni Baste ay kasunod ng lumalakas na posibilidad ng ICC arrest laban kay Bato matapos ibasura ng Supreme Court ang hiling nitong TRO.

Kabilang si Dela Rosa sa mga tinukoy na co-perpetrators sa war on drugs ni Duterte. Patuloy rin ang pagtugis sa kanya ng mga otoridad.

Dahil sa ‘bading’ remarks… Madriaga, kakasa sa hamon na suntukan ni Mayor Baste

ni Cristine Marish Rivera @News | April 17, 2026

Photo: Madriaga at Baste Duterte - HOR, Robin Padilla FB

Suntukan, ano tara?

Tila hindi raw aatrasan ng nagpakilalang bagman umano ni Vice President Sara Duterte na si Ramil Madriaga ang hamong suntukan ni Davao City Mayor Baste Duterte.

Ito ang naging suhestiyon ni Baste matapos siyang tawagin umanong ‘bading’ ni Madriaga, “Ano raw? Bading ako sabi ni Madriaga. Kung gusto mo suntukan na lang tayo, no holds barred. Isama mo pa si Torre at si Bangag. Anytime, anywhere, just inform me and I will be there.”

Samantala, isa raw karangalan para kay Madriaga na mahamon ng isang dating presidential son sa isang suntukan.

“If you find your way here in Annex 2, Camp Bagong Diwa, I will accommodate your request and trade punches/ kicks/ elbows/ backhand/ roundhouse/ uppercut and headbutts, even,” aniya sa isang pahayag.

Sara nag-withdraw sa 2022 elections... Baste, tatakbong mayor ng Davao City

ni Lolet Abania | November 9, 2021

Nag-withdraw na si Davao City Mayor Sara Duterte-Carpio sa kanyang reelection bid para sa 2022 elections ngayong Martes.

Sa isang post sa Facebook, ayon kay Mayor Sara, papalitan siya ng kanyang kapatid na si incumbent Vice Mayor Sebastian “Baste” Duterte, habang ang abogadong si Melchor Quitain ang tatakbong vice mayor.

“Ngayong hapon wini-withdraw ko ang aking kandidatura sa pagka-Mayor ng Davao City. Si VM Baste ang papalit sa akin. Si Atty. Melchor Quitain ang nominado namin sa pagka-Bise Alkalde. Ito lamang po muna. Maraming salamat po,” ani anak ni Pangulong Rodrigo Duterte.

Una nang nag-withdraw si Baste Duterte ngayong umaga sa kanya ring reelection bid.

Ilang grupo at personalidad na ang nagtutulak kay Sara na tumakbo sa pagka-pangulo sa susunod na eleksyon. Subalit, tinanggihan ito ni Sara at pinayuhan din silang huwag nang gumawa ng caravan para sa kanya.

Sa ilalim ng umiiral na elections rules, ang isang kandidato ay maaaring mapalitan sa panahon ng substitution period basta ang papalitan nito ay nasa pareho ring political party na kandidatong ipapalit.

Para sa 2022 elections, ang substitution period ay hanggang Nobyembre 15, 2021.