ni Mabel Vieron @Overseas News | August 11, 2023
Patay ang 33 katao at patuloy pa ring pinaghahanap ang 18 matapos na hagupitin ng bagyo ang Beijing.
Nitong mga nakaraang linggo ay bumuhos ang walang tigil na pag-ulan sa kabisera ng China na nakasira ng mga imprastraktura ng lungsod.
Ayon sa Vice Mayor na si Xia Linmao, lubos ang kanyang pakikiramay sa mga namatay at kapus-palad na mga biktima.
Marami na ang namatay sa pagbaha sa hilagang Tsina, kung saan sinabi ng Beijing na 147 katao ang nasawi noong nakaraang buwan na sanhi ng kalamidad.
Batay sa awtoridad, natatakot umano sila tuwing naaalala nila ang kamakailang pagbaha.