ni Jeff Tumbado @News | August 10, 2026
Bago tuluyang malubog sa tubig-baha ang bahay na ito sa Barangay Sindol, San Felipe, Zambales ay napilitang lumikas sa ligtas na lugar ang isang pamilya na nakatira rito. Ilang araw din na isinailalim ang naturang lalawigan sa red rainfall warning ng PAGASA bunsod ng pinagsamang epekto ng habagat at Bagyong Luis at Maymay. (Jeff Tumbado)
ni Jeff Tumbado @News | April 22, 2026
Iginiit ni dating House Speaker Martin Romualdez na hindi siya ang mastermind sa budget insertions at anomalya sa flood control projects.
Ayon sa kanya, nagsisimula ito sa Ehekutibong sangay ng pamahalaan, bago dumaan sa deliberasyon ng Kamara at Senado, at hindi ito kontrolado ng iisang tao lamang.
Binigyang-diin niya na ang implementasyon ng mga proyekto, kabilang ang flood control, ay nasa ilalim ng Ehekutibo at hindi ng Kongreso.
“Kung may korupsiyon man sa implementasyon, dapat doon ito hanapin,” aniya.
Dagdag pa niya, kung siya umano ang sangkot, dapat ay makikita ito sa kanyang sariling distrito sa Tacloban. Ngunit tiniyak niyang walang ghost projects o substandard na flood control projects sa kanyang lugar, at handa siyang ipasuri ito sa publiko.
Binanggit din ni Romualdez ang ilang personalidad na aniya’y may mahalagang papel sa proseso ng badyet, kabilang sina Senator Francis ‘Chiz’ Escudero at dating Congressman Zaldy Co.
Sa huli, nagbabala si Romualdez na handa niyang ipagtanggol ang kanyang pangalan laban sa aniya’y “politically motivated” na mga akusasyon.
Sinabi rin niya na hindi siya papayag na maging “fall guy” sa kasalanan na gawa ng ibang tao, at iniutos sa kaniyang opisina na isapubliko ang mga affidavit na kaniyang isinumite sa isinagawang mga imbestigasyon.
“Ipaglalaban ko ang aking pangalan. Hindi ako mananahimik kung kinakailangan kong magsalita,” pagtatapos niya.
Sa kabila nito, kinilala niya ang galit ng publiko at sinabing may karapatan ang mamamayan na managot ang sinumang nagnakaw ng pondo ng bayan.
Hinikayat niya ang mga awtoridad, lalo na ang Ombudsman, na sundan ang ebidensya at huwag umanong maging selective sa pananagutan.
ni Eli San Miguel @Overseas News | Nov. 3, 2024
Photo: Reuters / Circulated
Ipinadadala ng Spain ang karagdagang 5,000 sundalo at 5,000 pulis sa Valencia matapos ang malalang pagbaha na pumatay ng mahigit 200 katao, ayon kay Punong Ministro Pedro Sánchez nitong Sabado.
Kabuuang 205 na bangkay ang narekober, na may 202 sa Valencia, dalawa sa Castilla La Mancha, at isa sa Andalusia, na itinuturing na pinakamatinding natural na sakuna sa kasaysayan ng Spain kamakailan.
Patuloy ang mga rescuer sa paghahanap ng mga bangkay sa mga sasakyan at gusali apat na araw matapos ang biglaang pagbaha. Hindi pa rin tiyak ang bilang ng mga nawawala.
Libu-libong boluntaryo ang tumutulong sa paglilinis ng makapal na putik na tumakip sa mga kalsada, bahay, at negosyo sa mga lubhang apektadong lugar.
Sa kasalukuyan, may humigit-kumulang 2,000 sundalo, 2,500 Civil Guard gendarmes na nakapagsagawa ng 4,500 rescues, at 1,800 na pambansang pulis na kasali sa mga emergency operations.
