Cargo ship nagliyab, 25 todas

ni Justine Berganio @Overseas News | September 12, 2026

Photo: Ang nasunog na cargo ship na naka-dock para sa repairs sa Beihai Shipbuilding Co. sa Qingdao - Weibo

Patay ang 25 katao matapos masunog ang cargo ship na naka-dock para sa repairs sa Beihai Shipbuilding Co. sa Qingdao, China nitong Huwebes.

Ayon sa Xinhua, 42 katao ang sakay ng barko nang sumiklab ang apoy alas-11 ng umaga. 12 ang ligtas na nailikas habang lima ang isinugod sa ospital at nasa stable condition.

Kinilala ang barko bilang Ocean Melody, na nakarehistro sa Liberia. Naapula ang sunog alas-2:30 ng hapon.

Inatasan ni Chinese President Xi Jinping ang agarang rescue sa mga nawawala at hiniling na higpitan ang safety measures upang maiwasan ang malalaking aksidente.

Ang Beihai Shipbuilding ay bahagi ng state-owned China State Shipbuilding Corporation, isa sa pinakamalaking shipbuilding companies sa mundo. 

Marcos, palaban sa pambu-bully ng China

ni Mylene Alfonso @News | July 28, 2026

Photo: SONA 2026 / Bongbong Marcos at WPS - Circulated BRP Sierra Madre

Pinatutsadahan ni Pangulong Bongbong Marcos ang China kaugnay sa nagpapatuloy na tensyon at mga insidente ng pambu-bully at pangha-harass sa West Philippine Sea.

“Let me remind our friends and our detractors: Filipinos are a noble, kind, gracious, and great race,” ani Marcos.

“We are not greedy. We are not racists. We are not liars,” wika ng Pangulo. 

“We are respectful, and we are dignified. We are Filipinos, and we do not yield.”

“Sa mga pang-aalipusta, hindi tayo matitinag. Sa manlulupig, hindi tayo pasisiil,” dagdag niya.

Pag-aangkin ng China sa Batanes, pinalagan

ni Mylene Alfonso @News | July 11, 2026

Photo: Ang mga bangkang pangisda sa Zambales sa pamamagitan ng aerial view sa makasaysayang sea formation sa pagbuo ng watawat ng Pilipinas sa karagatan na sakop ng Subic bilang paggunita sa ika-10 anibersaryo ng 2016 Arbitral Award na pumabor sa Pilipinas sa usapin ng West Philippine Sea (WPS). (Jeff Tumbado)

Tinutulan ni Dr. Jose Antonio Goitia ang umano’y pag-aangkin ng ilang iskolar na Tsino sa Batanes at iginiit na matagal na itong kinikilalang bahagi ng teritoryo ng Pilipinas batay sa kasaysayan, batas at tuloy-tuloy na pamamahala ng bansa.

Ayon kay Goitia, walang internasyonal na kasunduan o desisyon ng alinmang pandaigdigang hukuman na kumikilala sa Batanes bilang bahagi ng China, kaya walang batayan ang naturang pahayag.

Sinabi rin niya na nanatiling nasa ilalim ng pamamahala ng Pilipinas ang Batanes mula pa noong panahon ng mga Espanyol at Amerikano hanggang sa kasalukuyang Republika ng Pilipinas.

Binigyang-diin pa ni Goitia na ang soberanya ng isang bansa ay hindi nakabatay sa lapit ng teritoryo o mga propaganda, kundi sa kasaysayan, batas at matatag na pamamahala.

Nagbabala rin siya laban sa paggamit ng mga mapa at iba pang naratibo upang baluktutin ang kasaysayan at impluwensiyahan ang pananaw ng pandaigdigang komunidad.