Xi Jin Ping, 'di dadalo sa ASEAN — DFA

by BRT @News | November 5, 2026

Photo: Xi Jin Ping / Why China

Kinumpirma ng Department of Foreign Affairs (DFA) na si Chinese Premier Li Qiang ang dadalo sa 49th ASEAN Summit sa Manila bilang kinatawan ni Chinese President Xi Jinping.

Kasunod ito ng pag-uusap sa telepono nina Foreign Affairs Secretary Ma. Theresa Lazaro at Chinese Foreign Minister Wang Yi noong Nobyembre 3.

Samantala, pormal naman umanong inimbitahan ng China si Pangulong Ferdinand Marcos Jr. na dumalo sa 33rd APEC Meeting sa Shenzhen.

Mas mahigpit na pagbabantay sa kilos ng China

ni Mylene Alfonso @News | October 19, 2026

Photo: Chinese Ambassador Jing Quan - Chinese Embassy Manila

Nanawagan si Dr. Jose Antonio Goitia ng masusing pagbabantay sa mga pagkilos ng Tsina sa West Philippine Sea kasunod ng pahayag ni Chinese Ambassador Jing Quan na madaling mananalo ang Beijing kung gagamit ito ng puwersa laban sa Pilipinas.

Itinuring ni Pangulong Ferdinand Marcos Jr. na tila banta ang pahayag, habang inilarawan naman ito ng Department of Foreign Affairs (DFA) bilang hindi direktang banta ng paggamit ng puwersa.

Binanggit din ni Goitia ang mga ulat tungkol sa barkong pandigma ng Tsina na namataan malapit sa Ambulong at Diwaran noong Oktubre 14, gayundin ang presensiya umano ng Chinese maritime militia malapit sa Panatag Shoal.

Kinuwestiyon din niya ang pagtawag sa Pilipinas bilang “troublemaker” at nanawagang linawin ang hindi pa kumpirmadong mga ulat tungkol sa umano'y “Operation Rising Dragon.”

Iginiit ni Goitia, na dapat patuloy na ipagtanggol ng Pilipinas ang soberanya nito at gamitin ang ASEAN Summit sa Nobyembre upang palakasin ang suporta sa mga karapatan ng bansa sa karagatan.

PCG, hinarang ng China Coast Guard sa paghuli sa pinaghihinalaang dynamite fisher

by BRT @News | October 5, 2026

Photo: PCG

Hinarang umano ng isang barko ng China Coast Guard ang mga tauhan ng Philippine Coast Guard (PCG) habang hinahabol nila ang isang banyagang bangkang pinaghihinalaang nagsasagawa ng dynamite fishing malapit sa Pag-asa Island.

Ayon sa PCG, umabot sa halos 10 yarda ang layo ng Chinese vessel sa kanilang bangka habang sinusundan nila ang pinaghihinalaang illegal fishing vessel.

Napilitan ang mga Pilipinong awtoridad na itigil ang paghabol at bumalik sa Pag-asa Island bandang alas-10:48 ng umaga para sa kaligtasan.

Samantala, sinabi rin ng AFP na dalawang Chinese aircraft ang ilang beses na lumapit sa isang Philippine military aircraft habang nagsasagawa ito ng routine patrol sa Bajo de Masinloc noong Oktubre 3.