Patay kay 'Basyang', 12 na

by Mai Ancheta @News | February 9, 2026

Photo: CDRRMO

Umakyat sa 12 ang bilang ng nasawi sa pananalasa ng Bagyong Basyang sa bansa partikular sa Visayas at Mindanao at nasa 467,000 ang mga indibidwal na naapektuhan.

Ayon sa Office of Civil Defense, isinailalim na sa validation ang 12 nasawi sa bagyo habang tinutulungan na ng mga ahensya ng gobyerno ang 132,000 pamilya.

Kasama sa nasawi ang apat na magpapamilya sa Cagayan de Oro City na nalibing nang buhay matapos matabunan ng lupa at putik ang kanilang bahay.

Ayon sa OCD, 850 na mga barangay ang naapektuhan ng Bagyong Basyang dahil sa mga pagbaha, 445 ang napinsalang mga bahay, 38 ang wasak, habang 407 ang bahagyang nasira.

Maagap naman ang Department of Social Welfare and Development (DSWD) sa pamamahagi ng relief goods at naipadala na ang ready-to-eat foods at non-food items sa Bicol Region, Western Visayas, Negros Island, Central Visayas, Eastern Visayas, Zamboanga Peninsula, Northern Mindanao at CARAGA.

2 patay kay “Uwan” sa Catanduanes at Samar — OCD

by Info @News | November 10, 2025

Photo: Gatbalogan City FIre Station Samar

Nasa dalawang katao ang naiulat na nasawi sa Viga, Catanduanes at Catbalogan City, Samar dahil sa Super Typhoon Uwan, ayon sa Office of Civil Defense (OCD) ngayong Lunes, November 10, 2025.

“Sa casualty po natin, meron pong reported po sa atin pero subject again for validation pa ito,” saad ni OCD deputy administrator for administration Assistant Secretary Bernardo Rafaelito Alejandro IV.

“Dalawang fatality — one is from Viga, Catanduanes due to drowning and another one from Catbalogan City, Samar na nahulugan ito ng collapsed structure,” dagdag pa niya.

Sinabi rin ni Alejandro na dalawang indibidwal ang nai-report na nasugatan.

Aniya pa, may kabuuang 1.4 milyong katao o 426,000 pamilya ang preemptively evacuated sa Metro Manila, Cordillera Administrative Region, Ilocos Region, Cagayan Valley, Central Luzon, Calabarzon, Mimaropa, Negros Island Region, Bicol, Western Visayas, Central Visayas, at Eastern Visayas. Nasa 318,000 katao o 92,000 pamilya naman ang nananatili sa mga evacuation centers.

Higit 300 flights, kanselado dahil sa Bagyong Uwan

by Info @News | November 9, 2025

Photo: File

Kanselado na ang nasa 324 flights mula nitong Sabado, Nobyembre 8 hanggang Lunes, Nobyembre 10 dahil sa epekto ng Bagyong #UwanPH.

Ayon sa Civil Aviation Authority of the Philippines (CAAP), parehong apektado ang domestic at international flights sa nasabing kanselasyon.

Nakapagtala rin ng tatlong flight na nag-divert at patungo sanang Bicol dahil sa hirap mag-landing dulot ng masamang panahon.