Riding-in-tandem strikes again... 2 Coast Guard pinagbabaril sa ulo, todas

by Jeff Tumbado @News | October 23, 2026

Photo: Circulated

Patay ang dalawang tauhan ng Philippine Coast Guard (PCG) matapos silang pagbabarilin ng dalawang hindi pa nakikilalang salarin sa Roman Vilo Street, Poblacion 6, Cotabato City, Huwebes ng tanghali.

Kinilala ni Capt. Steffi Salanguit, tagapagsalita ng Police Regional Office Bangsamoro Autonomous Region, ang mga nasawi na sina Seaman Second Class Reniel Agpalo, residente ng Nueva Ecija, at Apprentice Seaman Louther John Vitor, residente ng Butuan City.

Kapwa nakatalaga ang mga biktima sa PCG Cotabato City Station.

Nagtamo ng mga tama ng bala sa ulo ang mga biktima.

Samantala, hindi naman nasugatan si Lt. Commander John Paul Cabubarias, hepe ng PCG Cotabato City Station, na kasama ng dalawang biktima nang mangyari ang pamamaril.

Batay sa imbestigasyon, sakay ang mga biktima ng isang maroon na Toyota Innova at patungo sa kanilang himpilan nang pagbabarilin ng riding-in-tandem na kapwa naka-face mask.

Narekober ng mga imbestigador sa pinangyarihan ng krimen ang pitong basyo ng bala na pinaniniwalaang mula sa kalibre 9 mm na baril.

Patuloy na inaalam ng mga awtoridad kung may kaugnayan sa trabaho ng mga biktima ang pag-atake o kung nag-ugat ito sa personal na alitan.

Agad namang nagsagawa ng follow-up operations ang mga tauhan ng Police Stations 1 at 4, Mobile Patrol Unit, at Cotabato City Mobile Force Company ng Cotabato City Police Office upang maaresto ang mga suspek.

Magnitude 7.7 na lindol, tumama sa Panama

by BRT @Overseas News | October 10, 2026

Photo: Panama Earthquake - Bienvenido Velasco / EPA / Jonathan Marquinez / Reuters

Isang magnitude 7.7 na lindol ang yumanig sa Panama nitong Biyernes, Oktubre 9, alas-12:56 ng hapon (1:56 ng madaling-araw ng Sabado sa Pilipinas). Naramdaman din ang pagyanig sa kalapit na Colombia.

Ayon sa U.S. Geological Survey (USGS), naitala ang epicenter 10 kilometro timog-kanluran ng Pitaloza Arriba sa lalawigan ng Herrera, sa lalim na 10 kilometro.

Unang iniulat na magnitude 8.0 ang lindol bago ibinaba sa 7.6 at kalauna'y itinakda sa 7.7.

Mabilis na lumikas ang mga residente mula sa kanilang mga tahanan at gusali patungo sa mga bukas na kalsada at ligtas na lugar.

Mahigit 45 aftershocks din ang naitala, kabilang ang magnitude 5.8, 5.5 at 5.2.

US FDA pinayagang gumamit ng lower-risk claim ang 20 ZYN nicotine pouch products

ni Chit Luna @News | October 8, 2026

Pinayagan ng US Food and Drug Administration (FDA) ang 20 ZYN nicotine pouch products na gumamit ng modified-risk claim na nagsasabing mas mababa ang panganib ng ilang sakit kung gagamitin ang mga ito bilang kapalit ng sigarilyo.

Sa Modified Risk Tobacco Product orders na inilabas noong June 30, pinayagan ang PMI US na gamitin para sa mga awtorisadong produkto ang claim na: “Using ZYN instead of cigarettes puts you at a lower risk of mouth cancer, heart disease, lung cancer, stroke, emphysema, and chronic bronchitis.”

Ito ang unang pagkakataon na nagbigay ang US FDA ng modified-risk orders para s us uhh y⁶⁶5⁵5⁶a nicotine pouch products.

Saklaw ng desisyon ang 20 ZYN products na gawa ng Swedish Match USA, isang subsidiary ng Philip Morris International. Nauna nang nabigyan ng US FDA marketing authorization ang mga ito noong January 2025.

Nilinaw na ang modified-risk order ay para lamang sa mga partikular na produktong sinuri at sa eksaktong claim na inaprubahan ng ahensya. Hindi ito awtomatikong naaangkop sa lahat ng nicotine pouch products.

Dahil sa desisyon, ZYN ang naging unang nicotine pouch product na nakatanggap ng Modified Risk Tobacco Product orders mula sa US FDA.

Ayon kay PMI US CEO Stacey Kennedy, mahalaga ang desisyon upang mabigyan ang mga adult nicotine consumers ng impormasyon tungkol sa relative risks ng mga produkto.

“FDA’s decision is an important moment for the more than 45 million legal-age nicotine consumers in America,” said Kennedy. “Today’s news ensures these adults have access to accurate, science-based information, including FDA-authorized evidence that switching from cigarettes to ZYN reduces the risk of smoking-related diseases like heart disease and lung cancer.”

Sinabi ng US FDA na dumaan sa malawak na scientific review ang aplikasyon. Kabilang sa sinuri ang risks ng mga produkto kumpara sa sigarilyo, pag-unawa ng consumers sa claim, posibleng paggamit ng kabataan at ang mas malawak na epekto nito sa public health.

“FDA’s review of modified risk products is intended to ensure that adult users have clear, science-based information about the relative harms of tobacco products, so they can make informed choices,” said Bret Koplow, Ph.D., J.D., acting director of the FDA’s Center for Tobacco Products.

“Today’s decision allows these products to be marketed with a modified risk claim that informs adults who smoke about the lower risks associated with these products," he added.

Matapos ang pagsusuri, sinabi ng FDA na “the specific modified risk claim is scientifically accurate with respect to these ZYN products, that consumers understand the claim, and that marketing the products with the claim would benefit the population as a whole.”

Limang taon ang bisa ng authorization at kailangan ang patuloy na market monitoring.

Sinabi ng FDA na maaari nitong bawiin ang mga order kung makitang tumataas ang paggamit ng mga produkto sa kabataan o kung hindi na naaayon sa public health benefit ang patuloy na marketing ng mga ito.

Binigyang-diin din ng ahensya na hindi dapat magsimulang gumamit nito ang mga hindi gumagamit ng tobacco products at nananatiling pinakamainam para sa adult smokers ang tuluyang pagtigil sa paggamit ng lahat ng tobacco at nicotine products.