Drone attack sa Saudi Arabia, Pinoy dedbol

ni Jeff Tumbado @News | October 23, 2026

Photo: Drone attack sa Saudi Arabia sa Shaybah oil field sa Eastern Province - Circulated

Isang Pilipinong manggagawa ang iniulat na nasawi sa drone attack sa malawak na oil field sa Saudi Arabia.

Ayon sa Ministry of Energy ng Saudi Arabia, dalawang katao ang nasawi at dalawa pa ang sugatan sa drone strike na tumama sa Shaybah oil field sa Eastern Province.

Kabilang sa mga nasawi ang isang Pilipino at isang Nepali, habang isang Pakistani at isang Indian naman ang nasugatan dahil sa mga debris na bumagsak matapos ma-intercept ang drone, ayon sa hindi pinangalanang source.

Nasunog din ang isang sasakyan na pag-aari ng isang kontratista sa insidente.

Samantala, sinabi ng Overseas Workers Welfare Administration (OWWA) na bineberipika pa ang ulat tungkol sa pagkamatay ng Pilipino, katuwang ang Department of Migrant Workers (DMW) at Embahada ng Pilipinas sa Riyadh.

Illegal recruitment, buking... Mga Pinoy, isinasabak sa giyera ng Russia at Ukraine

by BRT @News | October 22, 2026

Photo: Ukraine military - File / Pres. Zelenskyy FB

Iniimbestigahan ng Department of Migrant Workers (DMW) ang ilegal na pangangalap ng mga Pilipino sa Russia sa gitna ng nagpapatuloy na digmaan nito laban sa Ukraine.

Ayon kay DMW Secretary Hans Leo Cacdac, nakikipagtulungan ang ahensya sa Department of Foreign Affairs (DFA), Department of National Defense (DND), at iba pang awtoridad upang masugpo ang ilegal na recruitment.

Kasunod ito ng mga ulat na isang Pilipino umano ang nasawi habang nakikipaglaban para sa puwersa ng Russia laban sa Ukraine.

Habang nagmimisa at naka-livestream pa... Pari nabagsakan ng krus, patay

ni Mai Ancheta @Overseas News | October 20, 2026

Photo: Circulated

Malagim na kamatayan ang sinapit ng isang paring Katoliko matapos mabagsakan ng malaking krus habang nagmimisa noong Sabado, Oktubre 17, sa Guayaquil, Ecuador.

Hindi na umabot sa pagamutan si Father Patricio Alfredo Sanchez Molinari sanhi ng tinamong pinsala sa ulo at likod matapos tamaan ng malaking krus na kahoy.

Nakunan sa livestream ang malagim na insidente dahil naka-live ang misa nito sa Church of Our Lady of Perpetual Help.

Lumitaw sa imbestigasyon na lumuwag umano ang pako ng krus na nakakabit sa altar kaya nahulog.

Ilan sa mga nagsisimba ang tumawag ng ambulansya at dinala ang pari sa pagamutan subalit hindi pinalad na makaligtas.