Asawa lamang ang maaaring magsampa ng kasong adultery

ni PAO Chief Persida Rueda-Acosta @Magtanong Kay Attorney | April 27, 2026

Dear Chief Acosta, 

Kasalukuyan akong OFW sa Australia. Nabalitaan ko po na ang asawa ko sa Pilipinas ay nakisama na sa ibang lalake, at may pruweba na ipinadala sa akin na sila ay nagkaanak.

Nalaman din ito ng pamilya ko, kaya naman pinipilit ako ng kapatid ko na gumawa ng special power of attorney para bigyan siya ng karapatan na magsampa ng kaso dahil matagal pa akong makakauwi. Puwede ba akong magpadala na lang ng special power of attorney na magtatalaga sa aking kapatid para magsampa ng kasong Adultery? — Ed

---

Dear Ed,

Una sa lahat, alamin natin kung ano ang krimen na Adultery. Ayon sa Article 333 ng Revised Penal Code (RPC), ang krimen na Adultery ay nagagawa ng isang babaeng may-asawa kapag siya ay nakipagtalik sa ibang lalaki na hindi niya asawa. Kasama rin sa kaso ang lalaki na nakipagtalik sa babaeng may-asawa, kahit na alam niyang ito ay kasal at may-asawa na. 

Ang tanong ngayon ay kung sino ba ang maaaring magsampa ng kasong Adultery. Ayon sa Article 344 ng RPC: 

“ART. 344. Prosecution of the crimes of adultery, concubinage, seduction, abduction, rape and acts of lasciviousness.—The crimes of adultery and concubinage shall not be prosecuted except upon a complaint filed by the offended spouse.”

Bilang katunayan, nakasaad din sa Section 5, Rule 110 ng Revised Rules of Criminal Procedure na: 

“Section 5. Who must prosecute criminal actions. — 

The crimes of adultery and concubinage shall not be prosecuted except upon a complaint filed by the offended spouse. The offended party cannot institute criminal prosecution without including the guilty parties, if both alive, nor, in any case, if the offended party has consented to the offense or pardoned the offenders.”

Bukod sa mga nabanggit, nilinaw ng Kagalang-galang na Korte Suprema, sa pamamagitan ni Kagalang-galang na Mahistrado Antonio T. Kho, Jr., sa kasong Aurel Ann Chua-Chiba vs. Jin Chiba and Michael Llona, G.R. No. 277020, May 19, 2025, na ang kasong Adultery ay itinuturing na isang private crime o pribadong krimen. Ang ibig sabihin nito, ang maaari lamang magsampa ng kaso ay ang partido na naagrabyado at hindi sinomang tao. Ang rason dito ay dahil iniingatan ng batas ang karapatan o opsyon ng naagrabyadong partido na sarilinin ang problemang kaniyang dinadala kaysa pagdaanan ang paglilitis, kung saan mabubulgar ang kaniyang masakit na sinapit sa panloloko ng kaniyang asawa. Narito ang pahayag ng Korte Suprema: 

“Adultery, being a private offense, cannot be prosecuted except upon a complaint filed by the offended spouse who. 

Further, the Court has invariably maintained strict adherence to the jurisdictional requirement that a complaint for adultery must be filed by the offended spouse. This legal requirement was imposed “out of consideration for the aggrieved party who might prefer to suffer the outrage in silence rather than go through the scandal of a public trial.

In this case, the complaint for adultery against Aurel and Michael was not initiated by Jin, the offended spouse. Records revealed that the prosecution for the crime of adultery commenced with a complaint-affidavit filed by Marvin, Jin's authorized representative. Although Jin submitted his own complaint-affidavit accusing Aurel and Michael of adultery, it was only included as an annex to the complaint-affidavit filed by Marvin. Clearly, the jurisdictional requirement for filing an adultery case under Rule 110, Section 5 of the Revised Rules of Criminal Procedure and Article 344 of the RPC was not met. Therefore, since no valid complaint for adultery was filed against Aurel and Michael, the MeTC Pasay City-Branch 167 was correct in granting the Motion to dismiss and subsequently ordering the dismissal of Criminal Case No. R-PSY-23-00670-CR.”

Sa iyong sitwasyon, kung bibigyan mo ang iyong kapatid ng Special Power of Attorney para sa pagsasampa ng kasong Adultery laban sa iyong asawa, maaaring ma-dismiss o mabalewala ang isasampang kaso dahil ikaw lamang, bilang asawa na naagrabyado, ang maaaring magsampa nito alinsunod sa mga nabanggit sa itaas. 

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay. 

Maraming salamat sa iyong patuloy na pagtitiwala.