Ex-misis ni Richard, nagpakatotoo lang… SARAH, MAS TAKOT KAY ANNABELLE KESA KAY BARBIE

ni Julie Bonifacio @Winner | October 11, 2026

Photo: Sarah Lahbati sa VHS

Umamin si Sarah Lahbati na mas takot siya kay Annabelle kesa kay Barbie. 

Pero bago kayo mag-react, ang tinutukoy ni Sarah ay hindi ang ina at girlfriend ngayon ng kanyang ex-hubby na si Richard Gutierrez.

Sa interbyu kay Sarah ni Darryl Yap para sa promo ng VHS movie ng Viva Films, may nakakaintriga at nakakatawang tanong ang controversial director.

Tanong nito, “Kanino ka mas natatakot, kay Annabelle o kay Barbie?”

Sagot ni Sarah, mas takot daw siya kay Annabelle.

• 

  Viva FIlms / FB

“Uh, unang-una, si Barbie kasi,” umpisa ni Sarah.

Pero pahabol ni Direk Darryl, “‘Yung manika ‘to, ha?”

Pagpapatuloy ni Sarah, “Maganda. Ganda lang s’ya, eh.”

Napansin ni Direk Darryl ang pagbibigay-diin ni Sarah sa description niya kay Barbie.

Paningit ulit ni Direk Darryl, “Ay, ganda lang s’ya?”

Paliwanag ng aktres, naglalaro siya ng Barbie noong bata pa siya, kaya sa tingin niya, hindi siya natatakot dito.

And what about Annabelle?

“Uhm, pakiramdam ko, mas nakakatakot si Annabelle, the doll, because unpredictable s’ya, ‘di ba? Sa pelikula, ha?” sey ni Sarah.

Umani naman ng mga nakakatawang reaksiyon mula sa mga netizens ang interbyu ni Direk Darryl kay Sarah.

“‘Pag pumutak ang dalawang doll, ewan na lang, tinanong s’ya, eh. ‘Di naman about sa kanila.”

“Hahaha! PASOK SA BANGA, EH. LT (laughtrip).”

“Issue maker s’ya, oh!”

“Hahaha! Galing mo rito, Sarah. Regaluhan kita ng mother-in-law.”

Gets n’yo na, ha?