Aktres, nang halikan ng mister… LUIS, TINAWAG SI ALEX NA DILIS

ni Beth Gelena @Bulgary | November 14, 2023

Simple lang ang naging selebrasyon ni Alex Gonzaga at ng mister niyang si Mikee Morada ng kanilang wedding anniversary.

Sa ipinost ni Alex sa kanyang Instagram Stories, aniya, "Namangka, nangisda, at nag-ihaw sa Taal Lake para sa aming anniversary date!!! Ang saya, may nabingwit akong poging tawilis!" aniya.

Isa sa mga nagkomento ang kaibigan niyang si Luis Manzano.

"Bakit naka-kiss si Mikee sa dilis?" pang-aasar na komento ni Luis.

Sumagot naman si Alex, "@luckymanzano WOW, nagsalita 'yung mukhang bisugo!"

Hahaha! 'Kaaliw! Ganyan magmahalan ang magkaibigan, laglagan kung laglagan.