ni Julie Bonifacio @Winner | March 18, 2023
Very poetic and dramatic ang way ng pagri-reveal ni Garie Concepcion sa kanyang pagbubuntis para sa first child nila ng singer at long-time boyfriend na si Michael Pangilinan.
Siguro naman, knows n'yo that Garie is the second daughter ng '80's matinee idol na si Gabby Concepcion kay Grace Ibuna.
Sa video na in-upload ni Garie sa kanyang Instagram last March 5 ay ipinakita niya ang result sa pregnancy kits na ginamit niya.
And take note, not one, not two, but five pieces na pregnancy kits ang ginamit ni Garie para lang makasiguradong buntis siya.
Nandu'n din ang sonogram ng baby nila ni Michael. Medyo malaki na ang baby dahil nasa trimester na ng kanyang pagbubuntis si Garie. She is scheduled to deliver her firstborn this coming May.
This is definitely the reason kaya “nanahimik” sa socmed si Garie nang ilang buwan. Her last post sa Instagram bago ang pagri-reveal niya about her pregnancy ay noong September 22 last year.
Say ni Garie sa video, “I have had my fair share of highs and lows these past years. These things and experiences, which sometimes you question, must have a purpose in this journey called life.
“Some of you may be wondering what’s been going on with me the past couple of months, I would post a little on my social media accounts, but it still won’t give away so much about me and what life has been like lately.”
Her pregnancy daw ang “biggest role” na gagampanan niya at bagong adventure na tiyak na ikababago ng kanyang buhay forever.
“Out of all the surprises that life has thrown at me, this by far is the best one yet,” diin niya.
Kung si Baby Amila nina Gregg Homan at Angelica Panganiban ay tinawag nilang “Bean” at “Peanut” naman si Baby Rosie nina Luis Manzano at Jessy Mendiola, “Miracle” and “Bean” naman ang tawag ni Garie sa baby nila ni Michael.
“You came to us at the most unexpected time but you were the greatest gift that mommy and daddy can ever receive,” she addressed her child. “Thank you for choosing us to be your parents… See you in a few months Baby Bean! Coming soon this May 2023,” say pa ni Garie.
Binilang namin ang mga buwan (‘Di bituin, ha? Kay Ate Guy ‘yun!) nu’ng huli naming nakita si Garie. That was during Angeline Quinto’s concert sa Resorts World kung saan nag-perform din si Michael kasama ang grupo niya na BuDaKhel na sina Bugoy Drilon at Daryll Ong last November.
Buntis na pala si Garie that time kung bibilangin namin ang buwan ng kanyang kapanganakan.
Nag-PM kami kay Garie to congratulate her and Michael and she confirmed to us na preggy na nga siya nu’ng November.
Ikalawang baby na ni Michael si “Miracle/Bean” at ikalawang panganay din.
Comment ng mga netizens…
“Another panganay.”
“Tatay nga ni Garie, 4 yata ang panganay.”
Ayan, speaking of Gabby Concepcion, nagkatuwaang tinawag na “lolo” si Gabby ng mga netizens.
“Lolo na si Gabby.”
“Naalala ko tuloy pa'no niya harangan ang nanay nitong si Garie dahil dinudumog ng mga reporters, eh, ang laki ng tiyan, ngayon 'yung nasa tiyan na niya ang pregnant. How swiftly time flies”
Treeew!
DENIECE, NAGSALITA NA SA KUMALAT NA LUMIPAD SILA PA-SINGAPORE NI CEDRIC
Eksklusibong nagpadala ng text message si Deniece Cornejo sa patnugot ng BULGAR na si Janice "Ateng Janiz" delos Santos-Navida bilang reaksiyon sa naisulat namin kahapon na pagpunta niya sa Singapore kasama si Cedric Lee.
Lumabas sa aming kolum ang ipinost ng netizen sa Twitter na may account name na Joey Ledesma.
Ayon sa netizen, “Cedric Lee and Deniece Cornejo book plane to Singapore.”
Ito'y matapos daw maabsuwelto si Vhong Navarro sa kasong rape na isinampa ni Deniece.
Agad na pinabulaanan ito ni Deniece sa ipinadala niyang text message kay Ateng Janiz.
Text ni Deniece (as is), “Ms. Janice, gumawa nanamn mag bulgar ng fake news na lumipad daw ako sa SINGAPORE. Ano po masasabi nyo? Bakit nanamn May mga fake news na ganto?”
Sinubukang imbitahan ng aming patnugot si Deniece para mag-guest sa online show na #Celebrity BTS Bulgaran Na sa Facebook page ng BULGAR na live this Saturday, 11 am to 12 nn, para sa mga paglilinaw na gusto niyang malaman ng publiko, pero tumanggi ang modelo.
Hindi pa raw kasi siya handang magsalita.
So, there.