Nakatira na sa condo… BEA AT VINCENT, WALANG HONEYMOON AFTER NG KASAL

ni Julie Bonifacio @Winner | July 16, 2026

Photo: IG _beaalonzo

Nakausap ni King of Talk Boy Abunda si Vincent Co bago at pagkatapos ng kasal nila ni Bea Alonzo.

Ikinuwento ni Kuya Boy sa kanyang programang Fast Talk with Boy Abunda (FTWBA) ang naganap na pag-uusap nila ni Vincent.

Pahayag ni Kuya Boy, “These past few weeks, Vincent Co and I have been talking to each other because of a proposed project that I have for him. Ito po’y may kinalaman sa pelikula. So, we’ve been talking about it. Pero not once did we talk about his wedding. Wala po tayong kamuwang-muwang, kaalam-alam at ‘di natin pakikialaman ‘yun.”

At noong Martes, July 14, lumabas na ang balita tungkol sa wedding nina Vincent at Bea. Nakausap daw ni Kuya Boy si Vincent sa telepono.

“I spoke to him. Nagkausap kami ni Vincent Co and very matter-of-factly tinanong ko siya, ‘Vincent, kayo ba’y kasal na ni Bea?’ Sabi n’ya, very, very matter-of-factly din. Sabi niya, ‘Opo.’ And I was very happy for them,” kuwento ni Kuya Boy.

Tinanong ni Kuya Boy si Vincent kung magta-travel ba sila ng kanyang misis para sa kanilang honeymoon. Hindi raw, sabi ni Vincent. Marami raw silang trabaho ni Bea na dapat unahin.

Like si Bea, balik-taping na ulit siya sa serye niyang Whispers From Heaven (WFH) kahapon, Miyerkules.

At noong Martes, nasa photoshoot naman si Bea para sa bagong campaign ng isa niyang product endorsement.

Ayon sa aming source, pansamantalang nakatira sina Vincent at Bea sa isang condo. Ipina-renovate raw ni Vincent ang condo bago ang wedding. Pursigido raw ito sa muling panunuyo kay Bea.

At habang ginagawa raw ni Vincent ang panunuyo kay Bea, sinimulan na ang renovation ng magiging pugad ng pagmamahalan nilang dalawa.

Alam na!

---

Kahit na-bash dahil sablay…

POPS, NAGPASALAMAT SA STATUE SA STARTISTA GALLERY

NAGSALITA na si Pops Fernandez tungkol sa na-bash na statue niya sa STARtista Gallery ng Star City dahil malayo raw ito sa mukha ng Concert Queen.

During her live streaming sa Instagram (IG), humiling si Pops na bigyan ng second chance ng kanyang mga fans ang gumawa ng kanyang statue.

Isa sa mga tanong kay Pops ay kung ano ang masasabi niya sa kanyang statue.

Pahayag ni Pops, “Actually, the idea of the whole wax museum is actually very good. It is to honor the athletes, our heroes, the celebrities through wax figures.

“Actually, napakagandang idea talaga ‘yun and it’s really honoring us. So, for that, maraming-maraming salamat to Star City and, of course, for honoring the artists, the other prominent figures, of course, dito sa Philippines.

“Ah, nag-promise naman po sila na gagalingan nila. So, alam n’yo, bigyan naman natin sila ng chance. ‘Wag paulit-ulit.

“Kasi minsan, kawawa rin. Siyempre, nag-effort din naman sila. So, I understand it. And I know some of you probably nag-react lang. Wala kasi ako nu’n, eh.

“So, let us appreciate why they did it. So, appreciate na lang po natin ‘yun, ‘di ba? So, maraming salamat for that also.

“‘Di naman lahat ay nagbibigay ng honor sa mga celebrities, artists, athletes at kung sinu-sino pa for their effort and for their concept. Thank you very much.”

Anak, tatanggalin na raw sa kumpanya… MAGULANG NI VINCENT, GALIT NA GALIT NA ITINAGO SA KANILA ANG KASAL KAY BEA

ni Julie Bonifacio @Winner | July 15, 2026

Photo: FB Nancy Binay

Love wins para kina Bea Alonzo at Vincent Co!

Natuloy na rin finally ang controversial na wedding of the year.

Gaya ng titulo ng pelikula ni Bea with John Lloyd Cruz, may pa-A Second Chance ang aktres sa kanyang ex-fiancé.

Happy na for sure ang mga fans ni Bea na ipinaglaban ni Vincent ang pagmamahal niya sa aktres, na siya naman daw dapat ginawa ng Chinese businessman noong una pa mang kumalat ang balitang naudlot ang kanilang kasal dahil sa mga magulang ng lalaki.

But how true na galit diumano ang parents ni Vincent sa pasabog na wedding nila ni Bea last Monday, July 13?

Tsika ng aming source, pagkatapos ng wedding ng controversial couple, that same day ay ipinapatanggal diumano ang video ng pag-attend ni Vincent sa event ng family business nila na kumalat online.

Sa naturang video, makikita si Vincent na dumating sa event at pumunta sa kanyang seat sa venue. Pero bago siya umupo ay marami ang bumati sa kanya.

May nag-utos daw sa mga employees na burahin ang video kung saan nandu’n si Vincent.

Duda ng aming source ay baka tanggalin daw si Vincent sa kumpanya. And worst, baka itakwil pa raw ito ng kanyang pamilya?

Kunsabagay, keri naman nang magtayo ng sarili nilang business nina Vincent at Bea.

As of now, may mga negosyo na rin ang aktres na naitayo with the help of her friends and family.

Anyway, congratulations to the newlyweds!

---

MATAGUMPAY ang paglulunsad sa bagong singer na si Honey Love Johnson. Dalawang singles niya agad ang ibinida sa kanyang launching, ang Wait Lang at Goodbye For Now.

Released under Star Music, ipinakita ni Honey Love sa dalawang original songs niya ang kanyang versatility.

Ayon kay Honey Love, “I felt really excited to record the songs, shoot the music videos and finally see everything come together. It took a lot of work and progress, but I really love how everything turned out. I’m just very happy about it.”

Ang direktor-songwriter na si Perry Escaño ang nag-compose ng Goodbye For Now mula sa kanyang personal experience during the pandemic. May close friend si Direk Perry na namatay.

Pahayag ni Direk Perry sa launching ni Honey Love, “I actually came up with the concept during the pandemic when a very close friend of mine passed away. We shared so many memories together, and that’s when I started writing Goodbye For Now. I kept developing the lyrics and asked my friend, arranger Peter Soria, to help bring the song to life.”

Naisip din ni Direk Perry na it's time na magkaroon ng graduation theme song ang generation now. Hoping si Direk Perry na gamitin ng mga eskuwelahan ang kanta ni Honey Love na Goodbye For Now during graduation ceremonies.

May music video na rin ito kung saan naisama ang isyu ukol sa bullying na isa sa mga napapanahong pangyayari sa ilang eskuwelahan sa ating bansa.

Samantala, Wait Lang offers a completely different sound. Ini-reveal ni Direk Perry na inspired sa naging usapan nila ng ina ni Honey Love ang kanta.

“Tumawag ‘yung mommy n’ya sa akin. Sabi n’ya, ‘Why don’t we create a song about mothers and daughters?’ She shared that whenever children are asked to do something, the usual response is, ‘Wait lang, wait lang,’ because they’re busy with social media or playing games. That’s where the idea started,” lahad niya.

Para mas appealing sa mga batang listeners, sadyang in-experiment niya ang tunog ng Wait Lang with a faster musical style.

“Gusto ng new generation ngayon fast-paced music with rap and hip-hop influences. I wanted to challenge myself and create something different while still delivering a meaningful message,” diin niya.

Sakto naman dahil gusto ni Honey Love ang mag-rap.

“I love rapping, but sometimes it’s hard to keep up with all the words. At the same time, I also love singing because I’m an alto. I honestly enjoy doing both, but I naturally lean toward slower, calmer R&B songs because that’s where I feel most comfortable,” sabi ni Honey Love.

Ang collaboration between Johnson and Escaño ay nagsimula after she joined one of his acting workshops in 2023. Nakita raw agad ni Direk Perry ang potensiyal ni Honey Love not only in acting but also in singing.

Since then, they have continued developing her musical identity through training and original recordings.

Ang Goodbye For Now at Wait Lang ay available na sa streaming platforms gaya ng Star Music’s YouTube (YT) channel, Spotify, Apple Music, iTunes, Deezer, at iba pang major digital music platforms.

Wala naman daw siyang kaibigan… HEART: BASTA MAY PERA, OKAY NA ‘KO!

ni Julie Bonifacio @Winner | July 14, 2026

Photo: IG _iamhearte

Trending online ang pinakawalang statement ni Heart Evangelista ukol sa ‘pera’ at ‘kaibigan’.

May question kasi sa kanyang programang The People Have Spoken sa GMA-7 kung ano ang mas nakakalungkot — walang kaibigan o walang pera, kaya bumanat si Heart ng sarili niyang opinyon sa tanong.

“Wala naman akong kaibigan. Basta may pera, okay na ‘ko,” prangkang sabi niya.

Umani ng batikos si Heart dahil sa kanyang pahayag sa socmed (social media).

“Taliwas talaga ang pangalan n’ya sa ugali n’ya, ah.”

“Ang tanong, saan galing ang marami mong pera? Hahaha!”

“So, ‘yung mga nakakasalamuha mo, pinaplastik mo lang? Ganern?”

“Wow! Ang ganda ng values mo, Heart. #MukhangPera.”

Grabe sila kay Heart.

---

NAGPATAWAG ng meeting si Dingdong Dantes para sa mga kasamahan niya sa Aktor PH noong Linggo, at dumating naman ang mga artistang kasama niya sa board.

Ipinost ng aktor sa Instagram (IG) ang larawan ng mga papel kung saan nakasulat ang agenda ng pagmi-meeting-an nila para sa ikalawang board meeting ngayong taon.

At ang pangalawang larawan sa kanyang IG post ay ang mga um-attend na officers tulad nina Piolo Pascual, Iza Calzado, Jasmine Curtis-Smith at Mylene Dizon.

Caption ni Dingdong, “Ano? Meeting on a Sunday? Sige, laban. Busy kasi ang lahat sa kani-kanilang trabaho, kaya ito lang talaga ang araw na nagawa naming magkita-kita ulit bilang Board of Directors ng AKTOR. (Minus Cherry Pie, whom we missed. She wasn’t able to join us as she’s currently abroad to be with her family.)

“There is still so much to do, so much to build, and so much to accomplish... and yet, time always seems too short. But yesterday was a reminder that when people are united by purpose, every meeting becomes an opportunity to move things forward.

“With only 10 months left in our term, our focus is simple: to leave AKTOR in an even stronger position for those who will carry it forward... and for our beloved community of proud, professional performers.”

Pinuri si Dingdong ng mga kasamahan niyang artista sa kanyang dedikasyon sa Aktor PH.

“Salute @dongdantes. Despite your busy days, you still have time to do things that benefit everyone. That, for me, is very noble. God bless you consistently,” comment ni John Arcilla.

Papuri ni Iza kay Dingdong, “Kung ano ang inumpisahan, tatapusin ng buong puso! What an honor to work with you, Chair, and our team of dedicated actors and partners that care about our community!”

“Behind you, Chief,” reaksiyon ni Agot Isidro.

Wow!