Yulo sabak agad sa opening ng Olympics; Eala Nasilat

ni MC - @Sports | July 05, 2021

Agad na sasabak si World champion Carlos Yulo sa kompetisyon, isang araw matapos ang opening ng Tokyo 2020 Olympics ceremonies, sa men's artistic gymnastics tournament's qualifying round sa July 24, Sabado, sa Ariake Gymnastics Centre.

Nabunot si Yulo sa group 5 kasama ang Turkey at Italy, kung saan lalaban sila sa subdivision 3 na gaganapin ng 6:30 pm hanggang 9 pm, Philippine time. Kailangang makapasok ang 21-year-old sa top 8 ng apparatus para umabanse sa event final na tanging dalawang gymnasts kada-bansa ang pwedeng lumahok.

Para maka-qualify sa individual all-around final, dapat makapasok ang participant sa top 24 overall. Naging 2019 World Artistic Gymnastics Championships men's floor exercises gold champion, sasabak si Yulo sa kompetisyon na may pitong gold medal ang nakataya. Gaganapin ang Tokyo 2020 Olympics all-around final sa July 28, Miyerkules, habang sasabak sa pet floor exercises event si Yulo sa August 1 na susundan ng vault sa August 2. Noong 2019 Southeast Asian Games, nagkampeon ang first world gymnastics champion ng Pilipinas sa men's all-around event at floor exercises event at sinundan ng runner-up finishes sa vault, still rings, pommel horse, parallel bars, at horizontal bar.

Nag-eensayo si Yulo sa Tokyo, Japan kasama si coach Munehiro Kugimiya. Nitong June 8 ay sumungkit ito ng bronze sa 2021 All Japan Apparatus Championships.

Samantala, tuluyan nang namaalam si Alex Eala ng Philippines, sa debut game sa grass tournament bilang No. 2 seed sa the Junior International Roehampton, matapos matalo sa quarterfinals sa Britain. Tinalo ng No. 8 seed Linda Fruhvirtova ng Czech Republic ang kapwa 16-year-old na si Eala sa quarters, 6-4, 6-1. Matatandaang noong 2019 ay tinalo ni Eala ang Czech para maipanalo ang JA Cape Town title. Bago makapasok sa quarterfinals ng Wimbledon warm-up tilt, tinalo muna ni Eala si No. 14 seed Mara Guth ng Germany sa third round, 6-4, 6-2.