JRU Heavy Bombers champ sa Preseason Cup

by MC @Sports News | July 24, 2026

Photo: Nagkampeon ang Jose Rizal University Heavy Bombers laban sa San Beda College sa 19th Filoil Preseason Cup. Handa na sila para sa pagbubukas ng NCAA Seniors basketball. (Benjamin Maniclang)

Malakas ang ibinigay na pahayag ng Jose Rizal University bago pa man magsimula ang season ng NCAA. Pinagwagian ng JRU ang Game Two, 74-67, finals upang walisin ang San Beda at makuha ang ika-19 na korona ng Filoil Ecooil Preseason kagabi. 

Si Lawrence Mangubat ang pangunahing nagpatatag sa Kalentong crew, na may 27 puntos, 3 rebounds, at 3 assists kabilang ang mga game-season freebies na may 10.5 segundo ang natitira sa harap ng maingay na mga manonood sa loob ng Playtime Filoil Centre sa San Juan.

"Ayaw ko lang matalo," pag-amin ng mahusay na guard na itinanghal na ABC Heavy Duty Tournament MVP.

Malakas ang ipinakitang depensa ni Chris Hubilla, miyembro ng Mythical Team, para marating ng Heavy Bombers ang kampeonato, habang ang pagharang kay Daniel Marcelo sa huling minuto ay halos winasak ang pag-asa ng San Beda Red Lions upang tapusin ang solidong 8-points at 8-rebounds. 

Bukod sa dalawa, ipinagmalaki ni coach Nani Epondulan ang lalim ng kanilang roster at maraming manlalaro ang sumuporta sa laro. "Mula sa simula, iyon na ang aming tinatrabaho. Mentally nai-ready na kami," sabi ni Epondulan.

Ateneo, binalaan na ng misis, kinuha pa rin... Mga atleta, 'di safe kay Baldwin

ni BRT @News | June 14, 2026

Photo: Coach Tab Baldwin - Ateneo de Manila University

Naglabas ng pahayag si Efthymia “Efi” Kalogirou, ang nagpakilalang asawa ni Ateneo Blue Eagles head coach Tab Baldwin, kaugnay sa isyung kinahaharap nito kasunod ng pagkamatay ng dalawang student-athlete nito.

Sa video na inilabas sa Facebook ng Tudor Clee, Barrister and Solicitor of the High Court na based sa New Zealand, isiniwalat ni Efi na ilang beses na umano niyang binalaan ang pamunuan ng Ateneo de Manila University na hindi ligtas ang mga estudyante kay Tab.

“At the time, I repeatedly told the Ateneo University that children are not safe around him, and it was their duty to remove him. I urged them to move him away from the university campus and they proceeded to launch a campaign of intimidation and silencing,” saad ni Efi.

Hinimok naman ni Efi ang mga Pilipino na patuloy na kwestiyunin ang Ateneo kung bakit pinapayagan pa ring makalapit ang mga estudyante kay Tab kahit na nagbigay na siya ng babala sa naturang pamunuan.

Umilag ang medlaya kina Varias, Caruana sa One Karate League

by MC @Sports News | May 17, 2026

Photo: Ilan lamang sa naging matitinding bakbakan sa pambato ng bansa na si Pinay Alessandra Jillian Bautista laban sa katunggaling si Emie Lacourt ng France sa kanilang mahigpit na tagisan para sa Karate One Youth League  Manila 2026 sa MOA Arena, Pasay City kahapon. (Reymundo Nillama)  

Nanatiling mailap ang medalya sa mga pambatong Pinoy nang mabigo sina Ysabella Arwen Varias at Carl Caruana sa kani-kanilang katunggali para sa  bronze sa Karate One-Youth League na inihanda ng  Philippine Sports Commission sa MOA Arena sa Pasay City.

Parehong nakaabot sa  repechage round nang gapiin ni Varias si WKF-1's Mariaa Sereda 1-0 sa  first match, na natumba kay Romania's Momanu Alexandra at nabigo sa 0-4 cadet kumite female -61-kilogram division sa bakbakan para sa bronze. 

Maliit man pero may puso, nalasap ni Caruana ang 1-9 na kabiguan kay WKF-1's  Levon Shaishian na siyang nakakuha ng bronze medal sa junior kumite male +76 class ng torneo. Pero nanatiling sila pa rin ang best performers ng bansa matapos ang 3 araw na bakbakan na sanctioned ng  World Karate Federation, inorganisa ng Karate Pilipinas Sports Federation, Inc. at suportado ng Philippine Olympic Committee. 

"Nakaka-overwhelm po na makasali dito sa tournament kasi lahat ng kalaban magagaling," saad ni Varias, na kailangan ng apat na laban mula sa preliminaries bago nakarating sa  bronze medal play sa repechage. 

"Ysabella could have used her nervousness in fighting against the Romanian but she was stiff and tentative. But this young girl learn  from that experience and be better in the long run," saad ni Oliver Manalac, ang karateka's coach.

"Mataas talaga yung kalaban kaya mahirap tamaan. But I am proud that I was able to get here," ani Caruana, 17, kung saan ang kanyang magulang ang kumalap ng panggastos para makalahok dito. "Kaya dini-dedicate ko itong laban ko dito sa mga magulang na nangutang para makarating ako dito sa Manila sa pamamagitan ng barko. I owe this achievement to them," aniya.