Wow, ibang level! 2 INT'L. CELEBS, NAG-PROMOTE NG SERYE NI HEART

ni Nitz Miralles - @Bida | November 3, 2021

Panalo, ang tumutulong lang namang mag-promote ng rom-com series ni Heart Evangelista na I Left My Heart in Sorsogon ay mga international celebrities!

Imagine, ang Incubus frontman na si Brandon Boyd at ang sikat na designer na si Christian Louboutin ang nag-i-invite sa mga Kapuso viewers to watch the series na mapapanood sa GMA-7 this November 15.

Ipinost ni Heart sa IG Stories ang video ni Brandon Boyd na ang sabi, “Hi Manila, Hi Heart! I just want to invite all of you to watch I Left My Heart in Sorsogon, peace.”

Sabi naman ni Christian Louboutin, “Hi Philippines and Heart, this is Christian Louboutin speaking. I would like to invite everyone to watch I Left My Heart in Sorsogon.”

Lilipad na naman si Heart pa-Los Angeles at magkikita sila ni Brandon Boyd at tungkol yata sa exhibit ng paintings ni Heart sa gallery ni Boyd ang kanyang lakad. Maraming celebrities siyang mami-meet doon, kaya tiyak na masusundan pa ng ibang international celebrities ang pagpo-promote sa rom-com series ni Heart.

Kumpirmado nang sa Nov. 15, ang premiere ng I Left My Heart in Sorsogon, kaya sina Heart, Richard Yap at Paolo Contis na ang makakatapat ni Coco Martin. Bababa ang time slot ng The World Between Us ni Alden Richards ‘pag bumalik na sa ere simula sa Nov. 22.

Speaking of Heart, sinagot nito ang basher na nag-comment na lukut-lukot na ang kilikili niya sa photo na ipinost na magkasama sila ni Sorsogon Governor Chiz Escudero.

Sagot ni Heart, “Hi perfect! Habang may dugo ka sa katawan, your skin will move, bulge, wrinkle or stretch:) at 'di naman wax figure unless pa-edit ko. Ayoko naman 'yun:) stay perfect share naman tips.”

Hindi na mahanap ang comment na ‘yun ng basher at sabi ng mga followers ni Heart, binlock na nito, na tama lang dahil pampasira sa masayang convo ng post ni Heart.