Wa’ raw korupsiyon sa transaksiyon sa pagbili ng Sinovac, edi wow!
- BULGAR
- Jan 20, 2021
- 1 min read
ni Ka Ambo - @Bistado | January 20, 2021
Idineklara ng Department of Agriculture (DA) na bird flu-free na ang Pilipinas.
Huh, buti pa ang mga ibon, hindi na magba-vaccine!
◘◘◘
Iniligtas daw ang isang aso mula sa pagkakasagasa ng tren.
Bakit kaya ‘yung mga hayop ay mahal na mahal ng tao, pero ang kapwa niya—hindi niya inililigtas sa gutom?
◘◘◘
Laging kulimlim at nagbabanta ang ulan kahit tag-araw na.
Nakikidalamhati ang langit sa isang walang katapusang panganib!
◘◘◘
Wala raw korupsiyon sa transaksiyon sa pagbili ng Sinovac.
Sabihin ninyo ‘yan sa buwan!
◘◘◘
Higit sa 100 hundred billion dollars ang reserba ng Bangko Sentral.
Nai-stress sa dami ng dolyar ang hepe ng BSP kaya naospital!
◘◘◘
Tinitira ni Secretary Harry Roque ang komedyanteng si Vice Ganda.
Huh, pigilan ninyo—baka magkurutan at magsabunutan!
◘◘◘
Nagkalat pa rin ang pasugalan sa paligid.
As usual, kailangan ang intelehensiya.
He-he-he!
◘◘◘
Pinatay ang isang beteranong journalist at hinahanting pa ang isa.
‘Yan ang dapat subaybayan ni Usec Joel Egco sa FPJ’s Ang Probinsiyano!
◘◘◘
Tumiwalag na ang AFP sa kasunduan sa UP na hindi sila manghihimasok sa loob ng campus.
Puwede nang magtayo ng barracks ngayon sa loob mga campus.
Tapos ang demokrasya!
Comments