ni Lolet Abania | October 28, 2020
Nagnegatibo ang resulta ng test sa COVID-19 ni Bise Presidente Leni Robredo at kanyang staff na isinagawa kamakailan, ayon sa Office of the Vice President (OVP) kanina.
Ito ang naging pahayag ng OVP tatlong araw matapos
na si Robredo at ilang kawani niya ay mag-self-quarantine dahil sa nakasalamuha nila ang isang pasyenteng may COVID-19.
Sa hiwalay na pahayag, labis na nagpasalamat si Robredo sa mga nanalangin para sa pagkakaroon niya ng mabuting kalusugan.
“All of the OVP staff who were exposed last week tested negative. Thank God. All the activities today and the succeeding days will proceed as scheduled,” sabi ni Robredo.
Samantala, sa radio show ng bise presidente noong weekend, binanggit niyang kanselado na ang kanyang pagbisita sa Lucena City at Caloocan na nakaiskedyul ngayong linggo. Ayon kay Robredo, isasagawa na lamang ang lahat ng aktibidades niya online.