VILMA, PROUD NA SI PEANUT NA ANG PAPALIT SA KANYA

ni Erlinda Rapadas @Teka Nga | November 3, 2023

May kapalit na si Luis Manzano sa puso ng kanyang mom na si Vilma Santos at ito ay walang iba kundi si Isabella Rosie or Baby Peanut!

Aliw na aliw si Ate Vi sa kanyang cute and lovable na apo. Ngayon pa lang ay nakikita na niya si Baby Peanut na mag-aartista rin at puwedeng pumalit sa kanya.

Marunong na raw umarte si Baby Peanut kapag nakakakita ng kamera. At kahit saan daw magpunta ang Star for All Seasons ay laging si Baby Peanut ang itinatanong sa kanya ng lahat.

Kaya naman paborito ni Ate Vi na ipag-shopping ang kanyang apo.

Well, kaarawan ngayon ni Vilma Santos at wala na raw siyang mahihiling pa na birthday gift kina Luis Manzano at Jessy Mendiola kundi ang mahiram-makasama si Baby Peanut sa kanyang kaarawan.

Nananawagan din si Ate Vi sa lahat ng Vilmanians at sa mga moviegoers na panoorin ang reunion movie nila ni Boyet de Leon na When I Met You In Tokyo na kasama sa darating na MMFF 2023.