Video ng nangyari sa kasal niya, viral ROBI, NAGSALITA NA TUNGKOL KINA KATHRYN AT DONNY

ni Vinia Vivar @Frankly Speaking | January 12, 2024

Photo : Robi Domingo / Fb

Nagpaliwanag na si Robi Domingo sa viral video nina Kathryn Bernardo and Donny Pangilinan na kuha mula sa kasal nila ni Maiqui Pineda kamakailan.

Sa naturang video ay makikita si Kathryn na nagsasayaw kasama ang isa pang bisita sa reception ng wedding. Biglang dumating si Donny at inalok ng drinks ang aktres.

Dahil dito ay katakut-takot ang reaksiyon ng mga fans and netizens at nagkaroon ng speculations na maaaring may namamagitan daw kina Donny at Kathryn.

Sa kanyang X account, nilinaw ni Robi na magkakaibigan silang lahat at hindi raw dapat bigyan ng issue. Isa raw sa groomsmen niya si Donny, gayundin si Darren Espanto, at ang mga ito ang tumulong sa kanya na estimahin ang mga guests.

Just for the record: we're all friends here. We've got each other's backs. No issues, please. Also, being the groomsmen, @donny

and @Espanto2001 helped us out in taking care of all of the guests, paliwanag ni Robi.

Nagpasalamat naman ang mga fans nina Donny and Belle Mariano (DonBelle) kay Robi for clarifying the issue.