Todo-pasalamat sa mga fans na ‘di siya iniwan… LIZA, UMAMIN KUNG BAKIT NATAHIMIK ANG CAREER NU’NG 2025

ni Vinia Vivar @Frankly Speaking | January 7, 2026

Photo: IG Liza Soberano

May paliwanag si Liza Soberano sa kanyang mga fans at supporters kung bakit medyo tahimik ang kanyang career nitong nagdaang taon.

Sa kanyang X (dating Twitter) account ay nag-post ng pasasalamat ang aktres sa lahat ng mga bumati sa kanyang kaarawan last January 4, kasabay ng kanyang paliwanag.

Aniya ay muli niyang binubuo ang sarili para sa kanyang pagbabalik.

“Thank you for all the heartfelt birthday messages. I know I’ve been quiet for a while—I’ve been taking time to rebuild myself so I can come back stronger, wiser, and with even more love to give,” saad ni Liza.

Kasunod nito ay nag-iwan siya ng mensahe sa lahat ng mga fans na hindi bumitiw sa kanya sa lahat ng pinagdaanang kabanata sa buhay.

“To those who’ve stood by me through every chapter, thank you. I love you all and can’t wait to reconnect,” ani Liza.

Matatandaang huling napanood ang aktres sa kanyang Hollywood debut na Lisa Frankenstein noong 2024. Her latest project is a voice role in the animated film Forgotten Island, set for release this 2026.

---

PASABOG agad ang pagpasok ng Bagong Taon para sa Roja matapos ilabas ang mid-season trailer tampok ang umiigting na bakbakan nina Donny Pangilinan at Kyle Echarri sa action series, na napapanood na rin sa Kapamilya Channel sa ALLTV2. 

Nakamit din nito ang bagong all-time high online record matapos makakuha ng 541,446 peak concurrent viewers o sabay-sabay na nanood sa Kapamilya Online Live noong Lunes, Enero 5.

Kaliwa’t kanan na rebelasyon ang dapat pang abangan sa serye, na kasalukuyang nasa listahan din ng Top 10 TV shows sa Pilipinas sa Netflix at iWant, dahil desidido nang magsanib-puwersa sina Liam (Donny) at Olsen (Kyle), kasama ang kaibigan na si Luna (Maymay Entrata), para tulungan ang mga pulis na pabagsakin ang mga hostage-takers ng La Playa Roja Resort upang makatakas nang buhay ang mga natitirang biktima.

Kasingtindi rin ng bakbakan ang mga plot twists dahil masisiwalat ang malaking iskandalo nang pagbintangan ni Greta (Lorna Tolentino) ang matalik na kaibigan na si Wendy (Janice De Belen) na mang-aagaw sa kanyang asawang si Magnus (Raymond Bagatsing). 

Sa pag-usbong nito, lilitaw din ang mga hinala hinggil sa tunay na pagkakakilanlan ng ama ni Olsen (anak ni Wendy).

Pero hindi lang sa asawa magkakaroon ng problema si Greta dahil lalakas ang paghihinala ng anak nitong si Liam sa tunay na motibo ng kanyang ina nang mahuli ni Liam si Greta na palihim na nakikipag-usap sa hindi pa kilalang indibidwal sa telepono.

Sa kabilang banda, magkakagulo rin sa kampo ng mga hostage-taker dahil sa lider na si Emil (Joel Torre). Madadala kasi si Emil sa kanyang kahibangan para patayin si Magnus bilang ganti sa panlolokong ginawa nito sa kanyang anak noon, at magdadalawang-isip naman ang sariling mga tauhan ni Emil na nais nang sumuko sa mga awtoridad.

Sa sunud-sunod na pagkamatay ng mga biktima, makakahanap pa kaya sina Liam at Olsen ng paraan para makaligtas? 

Paano nila haharapin ang mga paparating na rebelasyon na gugulat sa kanila?

Napapanood ang Roja gabi-gabi tuwing Lunes hanggang Biyernes, 8:45 PM sa Kapamilya Channel sa ALLTV2 at Kapamilya Channel sa cable, pati sa A2Z at Kapamilya Online Live sa YouTube (YT) at Facebook (FB).

Mapapanood din ang pinakabagong mga episodes ng Roja 72 oras na mas maaga sa Netflix at 48 oras na mas maaga sa iWant, gayundin sa labas ng Pilipinas sa pamamagitan ng The Filipino Channel (TFC) sa cable at IPTV.

‘Wag din daw magtiwala agad ng pera… DINGDONG AT MARIAN, PINAG-IINGAT SA BIYAHE

ni Vinia Vivar @Frankly Speaking | January 6, 2026

Photo: IG _@dongdantes

Pinag-iingat ng feng shui expert na si Johnson Chua ang mag-asawang Dingdong Dantes at Marian Rivera ngayong 2026, Year of the Fire Horse.

Sa panayam ng Unang Hirit (UH), sinabi ng nasabing feng shui consultant na Year of the Metal Monkey si Dingdong, na isinilang noong August 2, 1980, habang si Marian naman ay Year of the Wood Rat dahil ipinanganak siya noong August 12, 1984.

Compatible o ‘allies’ daw ang Rat at Monkey. 

Aniya, “One good thing is ‘di lang sila pang-partner in terms of celebrity, partner din sila in life. Tapos ‘yung mga decisions nila, nagiging intact s’ya.”

Ngunit ngayong 2026, nagbigay siya ng babala sa Showbiz Royalty couple na huwag masyadong magtiwala.

“Example, baka may mga pinaplano silang investment o mga business na gustong gawin,

need to be more careful lang sila konti sa mga conflict and trust issue. ‘Wag lang mabilis masyadong magtiwala,” ang payo ng feng shui expert.

Pinag-iingat din niya ang mag-asawa sa aksidente, partikular sa pagbibiyahe.

“Saka in terms of travel, maging maingat lang po sa accidents. So wala munang masyadong mga high-risk adventure o sports. Medyo chillax (relax) lang,” saad pa ni Chua.

Maganda naman ang pangitain ng feng shui expert sa isa pang Kapuso celebrity couple na sina Dennis Trillo at Jennylyn Mercado. Aniya, mas magiging bongga ang kanilang respective career this year.

on May 12, 1981, Metal Rooster ang sign ni Dennis, at marami raw ‘chances of new ideas’ na darating para sa kanyang personal at showbiz life.

Ipinanganak naman si Jennylyn noong May 15, 1987, o Fire Rabbit. 

Ayon kay Johnson, Rabbit ang numero unong sign ngayong 2026, kaya ‘more opportunity, more projects para sa kanya.

Ngunit hindi raw maiiwasan ang conflict sa pagitan ng Rabbit at Rooster, at importante raw na parating open ang kanilang communication para mapag-usapan nang maayos ang kanilang mga issues.

“Although when you talk about conflict, hindi naman po talaga siya malas. Conflict, meaning nagkakaroon sila ng mga diskusyon kasi magkaiba sila ng pananaw. As long as they can respect each other’s decision, they can compromise, then no problem po s’ya,” sey ni Johnson.

May hula rin siya para sa Asia’s Multimedia Star na si Alden Richards, na ipinanganak noong January 2, 1992, o Year of the Metal Sheep. 

Ayon kay Chua, maganda pa rin daw ang taong 2026 para kay Alden. Ang Sheep ay best friend ng Horse, kaya ‘very strong’ daw para sa aktor ang kanyang mga local and international collaborations.

Aniya, “So, chances, baka meron s’yang magawa for the year na masa-shock tayong lahat.”

Maganda rin ang nakikita niya sa love life ni Alden dahil baka magkaroon na raw ito ng girlfriend this year.

“But action is very important. Minsan meron s’yang gusto, meron s’yang kailangang gawin. Pero ‘yung action n’ya, medyo conflicting. Mas nauuna kasi minsan ‘yung work than the personal things na gusto n’ya talaga.”

naman pala ang 2026 para sa ilang Kapuso stars!

Sey nga nila, ito ay mga gabay lamang…

Dating No. 1… Andrea, pang-4 sa 100 pinakamaganda sa buong mundo

ni Vinia Vivar @Frankly Speaking | December 30, 2025

Photo: IG _blythe

Inilabas na ng TC Candler ang kanilang taunang listahan ng 100 Most Beautiful Faces of 2025, at nakakatuwa na hindi talaga nagpapahuli ang ating Filipino celebrities.

For this year, Andrea Brillantes landed in the fourth spot at siya ang may pinakamataas na ranking among the Pinay celebrities.

Matatandaang last year ay si Andrea ang nanguna sa nasabing listahan, kung saan ay tinalo niya sina Nancy McDonnie ng K-pop group na MOMOLAND, Rose ng BlackPink, at iba pang international beauties.

This year ay si Rose naman ang number one na last year ay nasa 7th place.

Ang iba pang Pinay celebs na napasama sa 100 Most Beautiful Faces ay sina Alexa Ilacad (37th), Liza Soberano (40th), Hyacinth Callado (49th), Janine Gutierrez (57th), Gehlee Danca (66th), Kai Montinola (69th), Kim Chiu (82nd), Jasmine Helen Dudley-Scales (88th), at BINI Aiah (99th).

---

BILANG pasasalamat sa patuloy na pagmamahal at suporta ng Kapuso fans sa nagdaang taon, handog ng GMA Network ang isang makulay na selebrasyon para salubungin ang Bagong Taon sa Kapuso Countdown to 2026, isang star-studded thanksgiving celebration na magaganap ngayong Disyembre 31.

Gaganapin ang inaabangang event sa SM Mall of Asia (MOA) Seaside Boulevard, kung saan magsasama-sama ang ilan sa pinakamalalaking Kapuso stars para sa isang gabi ng saya, musika, at pasabog na performances. Mangunguna sa pagdiriwang sina Julie Anne San Jose, Rayver Cruz, Christian Bautista, Rocco Nacino, Betong Sumaya, Angel Guardian, Faith da Silva, at Kyline Alcantara.

Para sa mga manonood at fans ng Kapuso stars, maaari nang pumunta ng 6:00 PM para panoorin ang lantern parade na susundan ng pre-show mula sa international singer na si Bonnie Bailey, kasama ang GMA Music artists na sina Plume at Vilmark.

Mas paiinitin pa ang gabi ng mga paboritong former housemates ng Pinoy Big Brother Celebrity Collab Edition (PBBCCE) na sina Will Ashley, AZ Martinez, Charlie Fleming, Vince Maristela, Marco Masa, Eliza Borromeo, Waynona Collings, at Lee Victor. Sila rin ang mangunguna sa kauna-unahang lantern parade, tampok ang makukulay na parol na hango sa mga kilalang programa ng GMA.

Rarampa rin sa entablado si Miss Grand International 2025 Emma Tiglao at mas pagniningningin ang gabi matapos ang kanyang pagkapanalo na isang back-to-back victory sa international stage.

Asahan din ang all-out dance performances mula sa Stars on the Floor Ultimate Dance Star Duo na sina Rodjun Cruz at Dasuri Choi, kasama ang celebrity at digital dance stars na sina Joshua Decena, JM Yrreverre, at Kitty at Kakai Almeda.

Hindi rin magpapahuli ang world-class musical performances mula sa powerhouse singers ng GMA na sina Jessica Villarubin, Hannah Precillas, Naya Ambi, Tala Gatchalian, John Rex, Jong Madaliday, Anthony Rosaldo, at Tanghalan ng Kampeon 2025 Grand Champion Bjorn Morta, na maghahandog ng pasabog na performance para sa live audience at sa mga nanonood mula sa kanilang tahanan. Hindi rin mawawala ang P-pop energy sa Kapuso Countdown stage dahil handa nang maghatid ng kilig ang grupong 1621.

Isa sa mga highlight ng gabi ay ang sorpresang handog ng SM Mall of Asia mula sa inaabangang fan-favorite K-pop group na AHOF. Susundan naman ito ng taunang countdown sa Bagong Taon kasama ang lahat ng Kapuso stars na present sa selebrasyon sa isang bonggang fireworks display na matutunghayan sa Luzon, Visayas, at Mindanao.

Isa rin sa mga aabangan ng live audience at home viewers ang pag-aanunsiyo ng mga mananalo sa kauna-unahang GMA Network.com Awards. Kabilang sa mga parangal ang New Kapuso Male and Female Star of the Year, Kapuso Male and Female Teen Star of the Year, Kapuso Couple and Love Team of the Year, Daytime and Primetime Drama Series of the Year, Kontrabida of the Year, at Comedian of the Year.

Damhin ang saya at diwa ng Pasko at Bagong Taon habang sabay-sabay na sinasalubong ng GMA Network at ng solid Kapuso fans ang 2026. Mapapanood ang Kapuso Countdown to 2026 sa December 31, 10:30 PM sa SM MOA Seaside Boulevard, Pasay City. Libre ang admission at magsisimula ang pagpapapasok ng live audience sa ganap na 6:00 PM.

Mapapanood din ito ng home viewers sa GMA-7, via Kapuso Live Stream, at sa ATM’s Office YouTube (YT) channel kasama sina Tim Yap, Sean Lucas, at Cheska Fausto, kasama ang iba pang special guests.