Ex, todo-deny noon sa dahilan ng hiwalayan nila… RICO, DEDMA HABANG DINUDUROG SINA MARIS AT ANTHONY SA NABULGAR NA RELASYON

ni Vinia Vivar @Frankly Speaking | Dec. 6, 2024

Photo: Rico Blanco, Maris Racal at Anthony Jennings - Instagram

Buhat nang lumabas ang pasabog ng ex-girlfriend ni Anthony Jennings na si Jam Villanueva, inaantay naman ngayon ang reaksiyon at pahayag ng ex-boyfriend ni Maris Racal na si Rico Blanco.

Ang daming netizens na nakatambay ngayon sa Instagram (IG) account ng OPM singer/composer at tinitingnan ang kanyang mga bagong post. Marami ring nag-iiwan ng message of support sa kanyang IG posts.

Matatandaan ngang inilabas ni Jam last Wesnesday ang mga screenshots ng

conversation nina Maris at Anthony na talaga namang ikina-shocked ng buong bayan at naging trending topics sa mga social media platforms. 

Hindi lang ang MaThon at si Jam ang nag-trending kundi maging si Rico kahit wala naman siyang kinalaman sa issue maliban nga sa ex-BF siya ni Maris. 

Pero NR (no reactions) naman si Rico hanggang ngayon sa issue at makikita nga sa kanyang mga posts na abala siya sa kanyang mga gigs.

“Some snaps from the last 10 days. Thank you Alaminos, Cainta, Bulacan, Manila. Up next @howlersmanila. See you on Saturday,” caption ng singer sa IG.

Sa comment section ay mababasa naman ang suporta at pagmamahal ng mga netizens sa kanya. Narito ang ilan sa mga nabasa namin:

“ILOVEYOU RICO!!!! HINDI MO DESERVE LOKOHIN NG HITO NA ‘YUN (crying face emojis).

“God saved you from the wrong person.”

“A true gentleman chooses silence and peace over chaos, not because he feels less, but because he values his dignity more than his heartache. You’re indeed a dying breed @ricoblanco100 Moving on is not about forgetting; it’s about freeing yourself.”

“Dodged a bullet right there. We love you, Rico!”

“You’re such a gentleman (clapping hands emoji), you never said anything to ruin her or her career. But karma was so fast!”

Magugunitang last July nang kumpirmahin ni Maris na hiwalay na sila ni Rico at sinabing walang third party involved sa kanilang breakup. Nilinaw din niyang walang kinalaman si Anthony sa kanilang split-up.

---

Buwis-buhay, tumalon, lumambitin… 

JULIA, BAGONG ACTION QUEEN

Bilang producer, sobrang proud si Sylvia Sanchez of Nathan Studios sa husay na ipinakita ni Julia Montes sa action-packed thriller film na Topakk, isa sa official entries sa 50th Metro Manila Film Festival (MMFF) which also stars Arjo Atayde.

“Honestly, mayroong nakita ang Nathan Studios na bagong action queen. Mark my word, si Julia, isang movie pa, ‘yan na ang magiging bagong action queen,” deklara ni Ibyang nang makatsikahan namin sa mediacon ng Topakk last Wednesday.

Makikita naman daw sa pelikula ang mga ginawa ni Julia na buwis-buhay talaga. At ayaw nga raw magpa-double ng aktres.

“Makikita n’yo du’n, may isang eksena na talagang tumalon s’ya, s’ya talaga ‘yun, na nakabitin s’ya, s’ya talaga ‘yun,” aniya pa.

Inanunsiyo nga rin ni Ibyang na ngayon pa lang ay may follow-up movie na ang Nathan Studios for Julia.

“Basta mark my word, next year si Julia ang bagong action star at gagawin namin, mayroon na kaming follow-up for Julia,” sabi ni Ibyang.      Flattered naman si Julia sa sinabi ng kanyang producer.

“Ang sarap sa pakiramdam. Sinasabi ko nga kay Tita (Sylvia) na sobrang sarap sa pakiramdam na may naniniwala sa ‘yo. So, this time, kung sinusugalan ako ni Tita, siyempre, susugalan ko kung ano ‘yung pinaniniwalaan sa ‘kin, so ie-embrace ko ‘tong action na ‘to,” pahayag ni Julia.

Excited na rin si Ibyang sa float ng Topakk sa MMFF Parade of Stars.

“May kakaiba. Kakaiba ‘yung float. May topak din ang float,” natatawa niyang sabi.

Natanong nga namin si Ibyang kung ano ang kanyang topak at aniya, “‘Pag nagutom. Tinotopak talaga ako ‘pag nagutom.”

Ano naman ang topak ni Arjo?

“Alam mo, honestly, hindi dahil anak ko ‘yan, hindi ko nakikitang nagalit ‘yan. Sa buong buhay n’ya, nakita ko lang s’ya, twice nagalit,” sagot ng actress-producer.

Ano naman ang topak ng manugang niyang si Maine Mendoza?

“Hindi ko alam, tanungin natin si Maine. Baka magkamali ako ng sagot,” natatawa niyang sabi.

“Basta I love Maine, mabait s’ya. Nami-misinterpret s’ya. I love my daughter-in-law, mabait s’ya,” dagdag pa niya.

Samantala, Topakk is an action-packed thriller showing on December 25, 2024. Ito ay mula sa direksiyon ni Richard Somes.

The ensemble cast also include Sid Lucero, Enchong Dee, Kokoy de Santos, Levy Ignacio, Bernard Palanca, Paolo Paraiso, Vin Abrenica, Cholo Barretto, Julio De Leon, Ivan Carapiet, Jeffrey Tam, Gerard Acao, Michael Roy, Maureen Mauricio, Elora Espano, Claire Ruiz, Anne Feo, Bong Cabrera, Manu Respall, Rosh Barman, Victor Medina, Ivan Rivera, Ian Lee, Nico Dans, Yian Gabriel, Raquel Pareno, Precious Laingo, Kayley Carrigan, and Geli Bulaong.

Ipinalabas na ang Topakk sa Cannes, Italy, Locarno, Switzerland at Austin, Texas kung saan ay umani ito nang katakut-takot na papuri.

Madir ng anak ni Carlo, nagsalita na… TRINA, TODO-DENY NA KABIT NG RICH BUSINESSMAN

ni Vinia Vivar @Frankly Speaking | Dec. 4, 2024

Photo: Trina Candaza - Instagram

Nilinaw ng ex-girlfriend at ina ng anak ni Carlo Aquino na si Trina Candaza na hindi totoo ang tsikang mayroon siyang rich boyfriend.

Kumakalat kasi ngayon ang espekulasyong may relasyon siya sa rich businessman na si Chucho Martinez dahil nakuhanan sila ng larawan na magkasama.

Medyo naba-bash nga ngayon si Trina dahil married man itong si Chucho, although may tsika ring hiwalay na ito sa asawa.

Sa isang Instagram (IG) post ng ex ni Carlo, kung saan ay ibinahagi niya ang mga blessings niya for 2024, isang netizen ang nagkomento tungkol sa tsikang rich BF niya.

Sey ng netizen, “Tama ‘tong post na ‘to para makita ng mga haters na hindi dahil sa rumored BF mo kaya mo na-afford lahat. I know you’re better than those rumors. I look up to you as a single mom din.”

Sinagot naman ito ni Trina at nilinaw that she’s not in a relationship. Aniya ay nagsisikap

siyang magtrabaho para mabuhay ang kanyang anak.

“I’ve heard the rumors about me nga. Pero no, I’m not dating anyone right now. And I work very hard to provide a good life for me and my daughter. 

“I fully understand that there will always be assumptions from other people—and that’s okay. But I am the best person to tell my story because I live it,” pahayag ni Trina.

Ang tinutukoy niyang anak ay ang 4-year-old daughter nila ni Carlo na si Mithi. 

Matatandaang naghiwalay sina Trina Candaza at Carlo Aquino noong 2022 at sa ngayon ay happily married na ang aktor sa aktres na si Charlie Dizon.

---

PINANGUNAHAN ni 2015 Miss Universe Pia Wurtzbach ang whole day celebration ng World AIDS Day nitong nakaraang Dec. 1, Sunday.

Nagsimula ang selebrasyon at 8 in the morning sa pamamagitan ng World AIDS Day Walk 2024 na ginanap sa Pasig City, kung saan ay libu-libong tao ang nakisali at sumuporta kesehodang maulan nang umagang iyon.

Isa sa mga dumalo ay ang ating Secretary of Health na si Ted Herbosa at mga taga Department of Health, pati na rin ang Philippine National AIDS Council. 

Sa hapon naman ay ginanap ang launching ng mga ambassadors ng World AIDS Day U=U Campaign at isa na nga rito si Pia.

Inilunsad din ang aktor at modelo na si Markki Stroem at sina Adrian Lindayag, Janlee Dungca at Lorenz Olleres bilang mga kapwa-ambassadors ni Pia. 

Ayon sa Department of Health (DOH), kada araw ay may naitatalang 58 na kaso ng HIV sa bansa. Ang edad na 15 to 24 daw ang pangunahing apektado ng sakit. 

Layunin ng campaign na mas mapalaganap ang kaalaman ng mga tao tungkol sa HIV at AIDS.

---

Ring, super-laki ng diamond…

THIA, ENGAGED NA 

Cynthia Thomalla at fiance - IG

Engaged na sa kanyang long time non-showbiz boyfriend si Miss Eco International 2018 and Sparkle artist Thia Thomalla.

Ipinost ng aktres last Monday sa kanyang Instagram (IG) ang mga larawan sa naganap na proposal ng BF niyang si John Castelar sa Minoo Falls sa Japan.

Caption ni Thia, “Fiancé reveal.”

Sa isang larawan ay makikita ngang nakaluhod si John na tila nagpo-propose. Ifinlex din ng aktres ang kanyang engagement ring na super-bongga dahil sa laki ng diyamante.

Dinagsa rin ng pagbati ang post ni Thia mula sa mga celebrities tulad nina Kate Valdez, Edgar Allan Guzman, Jason Abalos, Carla Abellana, Sandy Andolong, Megan Young, Winwyn Marquez, Mavy and Cassy Legaspi, Maxine Medina at marami pang iba.

In-announce sa show abroad na 2 yrs. na ang away nila… SHARON, INAYAWANG MAKASAMA SI KC

ni Vinia Vivar @Frankly Speaking | Dec. 3, 2024

Photo: Gabby, Sharon Cuneta at KC Concepcion - Instagram

Inamin ni Sharon Cuneta na malaki pa rin ang tampo niya sa anak nila ni Gabby Concepcion na si KC Concepcion.

Kinumpirma niya ito on stage sa last concert nila ni Gabby ng Dear Heart US and Canada tour last Nov. 29 sa Vancouver.

May nag-post ng mga videos ng nasabing concert at isa na nga rito ay ang bahaging napag-usapan nina Sharon at Gabby ang kanilang nag-iisang anak.

Sa video ay mapapanood na sinasabi ni Gabby na sana raw ay kasama na nila next time sa concert si KC.

Sagot ni Sharon, “Kayo na lang muna.”

Sey ulit ni Gabby, “Mas maganda kung kasama natin siya.”

Sabi naman ni Megastar, “Maganda, pero malakas ang tampo ko sa batang ‘yun.”

Hirit na naman ng aktor, “Siyempre, mas maganda kung dalawa kayong nandirito para at least naman, matuwa silang (audience) lahat.”

Sinagot naman ulit ito ni Shawie, “Eh, di manonood ako.”

Pakiusap naman ni Gabo, “Magbati na kasi kayong dalawa,” na sinagot naman ni Sharon ng “Ay, hindi ako ang may issue. Huwag na nating pag-usapan. Two years na kaming estranged.”

Pero pahabol naman niya, “Oh, it’s okay. I love my daughter, I love her forever.”

Pagkatapos nito ay iniba na ni Gabby ang usapan.

Sa recent Instagram post ni Sharon ngayong araw, nag-upload siya ng larawan ng kanyang tatlong anak na babae na sina KC, Frankie and Miel.

Caption niya: “My present phone wallpaper… taken years ago…when all was right in my world.”

Sumagot si KC sa comment section ng “I love you Mama.”

Matatandaang noong nakaraang Mayo ay sinabi rin ni Sharon sa interview na 2 years na silang estranged ni KC. 

Buong akala kasi ng marami ay nagkaayos na sila sa first Dear Heart concert dito sa Pilipinas noong October, 2023 kung saan nga ay nagyakapan pa silang mag-ina sa stage at nag-iyakan. Apparently, after that concert ay hindi na nagkita pang muli ang mag-ina.

Kung ano ba talaga ang tunay na dahilan ng kanilang hindi pagkakaintindihan ay sila lang ang nakakaalam dahil never pa silang nagsalita tungkol dito. 

Pero ever since ay alam naman din ng lahat ang away-bati nilang relasyon kaya umaasa rin ang kanilang mga fans na pasasaan ba’t magkakaayos din sila.

---

Aminado si Baron Geisler na sobrang nata-touched siya sa pagmamalasakit na ipinapakita sa kanya ng mga co-stars at buong production team ng Incognito.

Sa simula pa lang daw na inalok ang proyekto sa kanya ay kinausap na siya ng direktor na si Lester Pimentel Ong at sinabi nitong nais siyang tulungan na ayusin ang kanyang buhay.

“'Yung mga kasama ko, hinihila nila ako pataas, eh, paakyat,” sey ni Baron sa mediacon ng Incognito held recently.

“Like si Direk Lester, the entire team ng Star Creatives, nu’ng miniting nila ako with the show, they said ‘Baron, you know, we just want to help you straighten up your life and we’re here to help you,’” kuwento ni Baron.

Kasunod nga nito ay naging close sila ng mga co-stars niya at ikinuwento ang ginawa ni Daniel Padilla sa kanya na labis niyang ikina-touched. 

“Bonus pa ‘yung nagtutulungan kami, may relationship kami sa isa’t isa. Like nu’ng I flew to Japan to shoot a movie, nag-message sa ‘kin si DJ. (Sabi niya) ‘O, Pare, lilipad ka, ‘wag kang magkalat diyan, ha?’ That really meant a lot to me,” tsika ni Baron.

“Nakita ko, sobrang laki rin ng changes ni DJ, nag-mature na rin siya,” dagdag pa ng aktor.

Si Ian Veneracion naman daw ay naging parang kuya na niya na hinihingan niya ng payo.

“Si Kuya Ian naman is my mentor, big brother. Kapag may mga questions ako about life, napaka-deep ni Kuya Ian,” ani Baron.

“For me, I just want to continue doing my best, giving my all, to be a dependable actor and to just open my heart, hindi lang sa show na ‘to, eh. Kasi nadadala ko ‘yung good attitude, manners, behavior, sa iba pang mga nakakasama kong produksiyon.

“So, I’m really grateful sa Star Creatives, ABS-CBN, Direk Lester, everyone, sa buong cast,” seryosong sabi ni Baron.

Mapapanood na ang Incognito sa January 17, 2025 sa Netflix at ipapalabas din ito sa ibang Kapamilya platforms including iWantTFC on January 18, Kapamilya Channel, Jeepney TV, TV5, and A2Z on January 20, 2025.