Ilang beses nang gustong mag-retire, ‘di maituloy… POPS, AMINADONG ‘DI KAYANG MAWALA SA SHOWBIZ

ni Vinia VIvar @Frankly | October 15, 2026

Photo: Pops Fernandez - IG

Inamin ni Pops Fernandez na maraming beses na rin siyang nag-attempt na magretiro as a singer and concert performer since bata pa lang daw siya nang pasukin niya ang showbiz.

“I started in the business since 13,” sey ng Concert Queen sa ginanap na solo mediacon niya last Monday for her upcoming birthday and 40th anniversary concert. 

Aniya, “There have been many attempts na sinabi ko sa sarili ko na ‘Ay, ayoko na, pagod na ‘ko. Ay, ayoko na, parang ang dami nang stress.’ Parati kong sinasabi ‘yan lalo na nu’ng bata ako. ‘Ay, gusto ko na mag-retire.’”

Pero hanggang sa isip lang daw niya ito at hindi niya naman talaga nagagawa dahil truth is, hinahanap-hanap din daw ng katawan niya ang pag-awit at pagpe-perform.

“Somehow, nami-miss ko s’ya. Somehow, pagkasabi ko nu’n, a few months after, ‘Ay, gusto ko pala ulit mag-work,’” saad niya.

Although, kung tutuusin ay matagal na rin daw siyang semi-retired.

“If you notice, ‘di na po talaga ako nagso-show as much as I used to. All these shows that I’m doing are for special reasons and special occasions.

“So masasabi ko po na semi-retired na ako, but to really say goodbye, again, baka hanap-hanapin ko rin, magsisi lang ako na sinabi ko na ‘Ay, sinabi ko, ‘di na,’ ‘di ba?

“So, paminsan-minsan din po, babalik at babalik ako, magso-show ako whether it’s a big venue or a small venue,” pahayag ng Concert Queen.

Dagdag pa niya, “Mami-miss ko po ‘to, kasi dito ako lumaki. Marami akong natutunan, marami akong na-experience, not just in my career, but also in life dahil sa trabaho kong ‘to.”

Sa apat na dekada niya sa showbiz, ayon kay Pipay (tawag kay Pops) ay sobrang grateful siya dahil naging mabait sa kanya ang industriya, pati na ang publiko na minahal siya nang sobra-sobra.

Hindi na rin naman matatawaran ang naiambag ni Pops sa showbiz. In fact, isa rin siya sa maituturing na icons sa music industry, with record-breaking and sold-out concerts, multiple platinum albums, and various awards and recognitions, hindi lang bilang singer kundi bilang TV host at aktres din.

Kaya naman sa kanyang ika-40 taon sa industriya at 60th birthday ay nais niya itong i-celebrate kasama ang kanyang mga supporters at kasamahan sa industriya sa pamamagitan ng isang special concert titled Pops.

Dahil double celebration ito, maraming inihandang sorpresa si Pops sa concert kasama ang kanyang mga special guests na sina Regine Velasquez, Martin Nievera, Vina Morales, Jay Durias, with the special participation of Ms. Helen Gamboa. Concert director naman si Calvin Neria at music director si Homer Flores.

---

MULA sa successful Philippine run ng 58th, tuluy-tuloy nga ang international screenings ng nasabing animated docu-film mula sa GMA Public Affairs at GMA Pictures.

Patuloy ang pag-ani nito ng papuri sa 31st Busan International Film Festival sa South Korea, kung saan sold-out na ang lahat ng screenings at talkback nito mula October 6 to 15. 

Katunayan, marami sa mga nanood ang nakipag-usap at humingi pa ng autograph sa direktor ng pelikula na si Carl Joseph Papa. May mga filmgoers din na nagbahagi ng kanilang reaksiyon matapos nilang mapanood ang 58th.

Napili ang nasabing pelikula para sa Documentary Showcase sa ilalim ng Wide Angle section ng festival. Kasama ni Papa ang Creative Producer ng 58th at GMA Public Affairs Senior Asst. Vice-President Johnson Tam at Supervising Producer na si Ian Simbulan.

Biyaheng Taiwan din ang pelikula matapos ianunsiyo ng GMA na ipapalabas ito sa nasabing bansa very soon sa tulong ng Be True Entertainment & Recreation at Mountain High Pictures.

Ang 58th ay tungkol sa mga biktima ng Maguindanao Massacre na naganap noong 2009. Nakasentro rito ang kuwento ni Reynaldo Momay, ang photojournalist na kinikilalang ika-58 na biktima, ngunit ang mga labi ay hindi pa rin natatagpuan. 

Tampok sa animated film sina Glaiza de Castro, Mikoy Morales, Marco Masa, Zyren Dela Cruz, Biboy Ramirez, at ang yumaong aktor na si Ricky Davao bilang Reynaldo Momay.

Nauna nang ipinahayag ng Film Academy of the Philippines (FAP) na suportado nito ang 58th sa hangarin nitong mapasama sa Best Documentary Feature category sa darating na 99th Academy Awards (Oscars).

Nag-guest sa TV5, tinanggal ng BNC… MATTEO, TANGGAP NA SI RAYMOND ANG PUMALIT SA KANYANG HOST

ni Vinia Vivar @Frankly Speaking | June 12, 2026

Photo: IG _matteog

In fairness kay Matteo Guidicelli, naging sport naman siya at pinuri si Raymond Gutierrez bilang pinakabagong anchor ng Agenda ng Bilyonaryo News Channel (BNC).

Nag-post ang kakambal ni Richard Gutierrez ng reel kung saan mapapanood ang isang buong araw niya sa BNC studio.

Sa bandang dulo ng video ay makikita si Raymond na nag-a-anchor sa Agenda kasama sina Korina Sanchez, Pinky Webb at Willard Cheng.

“A day at the @bnc.ph studios,” ang caption ni Mond.

Sa comment section ay mababasa ang mensahe ni Matteo na, “Awesome, bro!”

Matatandaang si Matteo ang dating entertainment anchor ng Agenda. Naging usap-usapan ang pagkawala ng aktor sa Agenda dahil ayon sa tsika, tinanggal siya matapos umanong hindi magustuhan ng BNC ang ginawa niyang pagge-guest sa news program ng TV5.

Hanggang ngayon ay wala pang direktang pahayag sina Matteo Guidicelli at ang BNC tungkol dito, pero ayon kay Ogie Diaz sa recent vlog nito, nakausap niya ang aktor at ipinaliwanag nitong nagpaalam siya sa BNC bago ang kanyang pagge-guest sa TV5.

---

PINAKILIG ni Donny Pangilinan ang mga fans nila ni Belle Mariano nang mag-post siya ng sweet birthday message para sa kanyang ka-love team.

Nagdiwang ang aktres ng kanyang ika-24 na kaarawan noong June 10 at siyempre, isa si Donny sa mga bumati sa kanya sa social media.

Nag-post ang aktor sa kanyang Instagram (IG) Story ng birthday greeting para kay Belle.

“Happiest birthday @belle_mariano. Fly higher than ever before. To even bigger dreams, and all the extraordinary things waiting ahead. Keep embracing all that you were created to be,” ang sweet birthday message ni Donny.

Ang mensaheng ito ay nagpapatunay na nananatiling maganda ang kanilang samahan kahit hindi na sila magiging aktibong magka-love team.

Samantala, sa China ipinagdiwang ng aktres ang kanyang kaarawan base sa kanyang IG post.

Nagbahagi siya ng mga larawan habang namamasyal sa Shanghai Disneyland Park.

“24 @ the happiest place on earth,” ang maikling caption ni Belle.

Hindi malinaw kung sino ang kasama ng aktres o kung mag-isa lamang siya dahil puro solo pictures ang kanyang ipinost.

---

TILA dream come true para sa Sparkle artists at Pinoy Big Brother Celebrity Collab Edition (PBBCCE) 2.0 ex-housemates na sina Caprice Cayetano, Heath Jornales, Marco Masa at John Clifford ang muli nilang pagsasama-sama sa bagong serye ng GMA Public Affairs na You’re My Favorite Song.

Pare-parehong masaya at grateful ang apat na magkasama sa isang project after PBB. Hindi rin natapos sa loob ng Bahay ni Kuya ang kanilang samahan dahil makakasama rin nila sa serye sina Waynona Collings at Princess Aliyah.

Malapit nang mapanood ang You’re My Favorite Song sa GMA Afternoon Prime. 

Ipinahihinto sa gitna ng kalsada… BELLE, TODO-TALAK NA, DEDMA PA RIN KAY DONNY, NAG-AWAY SA KOTSE

ni Vinia Vivar @Frankly Speaking | May 30, 2026

Photo: Donny at Belle - Vice Ganda YT

Na-corner ni Unkabogable Vice Ganda ang aktor na si Donny Pangilinan nang tanungin ang huli ukol sa panliligaw niya sa ka-love team na si Belle Mariano (DonBelle).

Sa latest vlog ni Vice ay mapapanood ang pagkukulitan at tsikahan nila ng DonBelle habang nagro-road trip.

Sa kanilang kuwentuhan ay tinanong ni Vice si Donny.

“Matagal mong niligawan si Belle? Na-enjoy mo ‘yung panliligaw mo kay Belle?” pang-uurirat ni Vice.

Hindi agad nakasagot ang aktor pero hindi na rin siya nag-deny. Nagkatawanan na lang silang tatlo.

Hindi rin naman direktang umamin si Donny pero parang ganoon na rin base sa kuwento niya.

“Pero ano, ha, grabe ‘yung effort ko nu’n, ‘di ba?” sey niya sabay tingin kay Belle.

“Oo,” pag-amin naman ng aktres.

“I think, ibinigay ko naman ‘yung kaya kong ibigay. ‘Yun ang masasabi ko, Vice,” sey pa ni Donny.

Dagdag pa ng aktor, “S’yempre, first time ko ‘yun…” at tapos ay hindi na niya naituloy pa kaya nagkatawanan na naman.

Si Vice na ang nagtuloy ng gustong sabihin ni Donny. 

“First time mong nanligaw,” aniya.

Sagot naman ng aktor, “First time ko na ganu’n ka-effort talaga. Kasi we were in the middle of so many things, ‘di ba? So, parang kailangan mo pang isipin ‘yun. For me kasi, ‘di na effort ‘yun. Parang gusto ko lang din gawin.”

Inamin naman ni Belle na sobrang na-appreciate niya ang effort ni Donny para sa kanya.

“Ang layo n’ya kasi, ‘di ba? Laguna siya. Ako, Antipolo. He drives all the way from Laguna to Antipolo. So, ang layo ng idina-drive niya.

“Tapos, pagdating pa ru’n, susunduin n’ya ako, magda-drive pa kami somewhere.

“Sabi ko, ‘Grabe, this guy spends what, more than 5 hours on the road just to see me. Wow! Grabe ‘yung effort n’ya,’” kuwento ni Belle.

Tanong ni Donny, “Na-miss mo?”

Sagot naman ni Belle, “Bakit, ginagawa mo pa rin naman, ah.”

Kilig na kilig naman si Vice sa dalawa at aniya, nagiging fan na raw siya ng DonBelle at nagtawanan.

Samantala, inamin din ng DonBelle na nagkaroon din sila ng mga away noong mga panahong magka-love team pa lang sila.

Isa sa mga binalikan nila ay noong nag-away sila sa kotse matapos dumalo sa isang event.

“Pagkakaalala ko, galing tayong party nu’n, tapos nag-away tayo kasi sabi ko, ‘Oh, my God, I didn’t enjoy.’ Tapos, inilabas ko ‘yung galit ko sa kanya,” kuwento ni Belle.

Napikon daw siya kay Donny dahil habang nagra-rant siya ay hindi siya pinapansin kaya sinabi niyang “Stop the car” at gusto na raw niyang bumaba.

“Sabi ko, ‘Stop the car, kung ‘di mo ako kayang pansinin, tigilan na natin ‘to,’” tsika ni Belle.

Pero hindi naman inihinto ni Donny ang kotse.

Katwiran naman ng aktor, ayaw niyang sabayan ang galit ni Belle para hindi na lalo pang lumaki ang pagtatalo nila.

Ang isa pa, nag-away sila sa San Francisco, USA dahil nag-golf daw si Donny.

“Ang lamig-lamig. Naka-shorts ako, alam mo ‘yung pang-workout. Bagot na bagot na ako. Sabi ko, ‘Ano bang gagawin ko rito?’ Umuwi talaga akong mag-isa, iniwan ko s’ya sa golf,” kuwento ni Belle Mariano.

Sabi naman ni Donny Pangilinan, immature pa sila ni Belle Mariano noong time na iyon. Kaya napag-usapan na raw nila na hindi sila dapat mag-walkout sa isa’t isa, at hindi rin dapat dalhin sa trabaho ang pag-aaway nila.