Video na galit na galit daw kay Toni, kalat na… SIGAW NI VICE: ANG EVIL! 'WAG MAGPABIKTIMA!

ni Janiz Navida @Showbiz Special | February 13, 2022

Mabuti na lang at agad nilinaw ni Vice Ganda na fake at edited ang kumakalat na Tiktok video niya kung saan mapapanood na galit na galit siya kay Toni Gonzaga kaugnay ng kinasasangkutan nitong issue ngayon na pagsuporta sa isa sa mga nagpasara sa ABS-CBN na si Cong. Rodante Marcoleta.

Sa kanyang Twitter account, naglabas ng statement si Vice last Feb. 11 na, "Andaming fake news at wrong informations sa TIKTOK! Haaaay!!!! Mga contents na pag-aawayin ang mga tao.

Uudyokin kayo para magalit. Andaming masamang tao na lalong pinagugulo ang mundo. 'Wag kayong pabiktima."

Dagdag pa nito, "Sobrang rampant na 'yung dumudukot sila ng iba't ibang clips from different sources tapos tinatahi para makabuo ng isang peke at maling video. Ang evil! Tapos 'yung mga tao naman, nahuhulog sa patibong at nagko-comment ng masasama. Maging mas mapanuri sa mga contents na paniniwalaan."

Kasama rin sa tweet post niya ang statement na "We all have the right to choose, so please respect Toni's decision as well."

Oh, at least, kahit balitang isa siya sa mga in-unfollow ni Toni sa IG account ng aktres-TV host, eh, mukhang 'unbothered' naman si Vice at idinepensa pa nga ang good friend niya sa mga grabeng mang-bash dito.