Venue at hurisdiksiyon sa kasong illegal recruitment

ni Atty. Persida Rueda-Acosta - @Magtanong Kay Attorney | November 12, 2020

Dear Chief Acosta,

Kinasuhan ako ng kasong Illegal Recruitment. Ngayon, alam ko na ito ay kasong kriminal. Dahil dito, nais kong i-contest ang pagkakasampa ng kaso sa Batangas kung saan nakatira ang complainant. Dahil sa aking pagkakaalam, ang may jurisdiction sa mga kasong kriminal ay ang mga korte kung saan diumano naganap ang krimen. Dahil dito, base na rin mismo sa isinampa sa aking kaso, ang naturang Illegal Recruitment na ikinakaso sa akin ay naganap sa Laguna. Gayunman, nais ko muna humingi ng payo tungkol dito at mapaglinawan ng husto. – Rick

Dear Rick,

Ang sagot sa iyong katanungan ay malinaw na matatagpuan sa probisyon ng Seksiyon 9 ng Republic Act No. 8042, o mas kilala sa tawag na “The Migrant Workers and Overseas Filipinos Act of 1995.” Ayon sa Seksiyon 9 ng nasabing batas, malinaw na bukod sa lugar kung saan naganap ang krimen ng illegal recruitment, nakasaad din na maaari rin magsampa ng kaso sa lugar kung saan nakatira ang naagrabyadong complainant noong panahong naganap ang krimen:

“Sec. 9. Venue. – A criminal action arising from illegal recruitment as defined herein shall be filed with the Regional Trial Court of the province or city where the offense was committed or where the offended party actually resides at the same time of the commission of the offense: Provided, That the court where the criminal action is first filed shall acquire jurisdiction to the exclusion of other courts. Provided, however, That the aforestated provisions shall also apply to those criminal actions that have already been filed in court at the time of the effectivity of this Act. (Binigyang-diin.)”
Sa katunayan, sinabi ng Korte Suprema sa kasong Sto. Tomas vs. Salac (G.R. No. 152642, November 13, 2012) na isinulat ni Honorable former Associate Justice Roberto A. Abad, na ito nga ay exception sa pangkalahatang tuntunin na ang kasong kriminal ay dapat isampa sa lugar kung saan naganap ang krimen, viz:
“But there is nothing arbitrary or unconstitutional in Congress fixing an alternative venue for violations of Section 6 of R.A. 8042 that differs from the venue established by the Rules on Criminal Procedure. Indeed, Section 15(a), Rule 110 of the latter Rules allows exceptions provided by laws. 
x x x x
Section 9 of R.A. 8042, as an exception to the rule on venue of criminal actions is, consistent with that law’s declared policy of providing a criminal justice system that protects and serves the best interests of the victims of illegal recruitment.”

Nawa ay nasagot namin ang inyong mga katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinion kung mayroong karagdagang impormasyong ibibigay. Mas mainam kung personal kayong sumangguni sa abogado.

Maraming salamat sa inyong patuloy na pagtitiwala.