Valdez, inalis sa Phl Volleyball line-up

ni MC - @Sports | May 14, 2021

Inilabas na ng Philippine National Volleyball Federation (PNVF) ang lineup ng national pool na lalahok sa 2021 Southeast Asian Games sa Hanoi, Vietnam sa Nobyembre at iba pang international games.

Base sa lineup, swak sa team ang lahat ng players na sumabak sa Subic tryouts noong Abril sa pangunguna ni middle blocker Jaja Santiago pero hindi kasama si volleyball star Alyssa Valdez. Nasa listahan din sina SEA Games veterans Aby Maraño, Majoy Baron, Eya Laure at Mylene Paat gayundin ang baguhang sina Iris Tolenada, Kamille Cal, Faith Nisperos, Ivy Lacsina, Mhicaela Belen, Dell Palomata, Ria Meneses, Imee Hernandez, Jennifer Nierva at Bernadette Pepito.

Sa beach volleyball team naman, swak sa team sina Sisi Rondina, Bernadeth Pons, Dzi Gervacio at Dij Rodriguez na mga nakasungkit ng tansong medalya noong 2019 SEA Games. Sa men’s team, pasok sina Bryan Bagunas, Marck Espejo, Jessie Lopez, Ish Polvorosa, Josh Retamar, Mark Alfafara, Jao Umandal, John Vic de Guzman, Rex Intal, Kim Malabunga, Francis Saura, Jack Kalingking at Ricky Marcos. Sa ngayon, wala pang inilalabas na statement ang PNVF kung magsasagawa pa sila ng panibagong tryout para makapasok ang ilang key players gaya nina Alyssa Valdez,

Kalei Mau, Alohi Robins-Hardy, Kim Fajardo at Dindin Santiago-Manabat na hindi nakalahok sa unang tryout dahil sa takot sa coronavirus.