Utol ni Kris, puring-puri na 'di korup… PRO-P-NOY AT PRO-DUTERTE, NAG-AWAY-AWAY DAHIL SA POST NI

DINGDONG

ni Nitz Miralles - @Bida | June 27, 2021

Inalala lang ni Dingdong Dantes ang pagiging champion of youth development ni former President Noynoy Aquino at ang pagli-lead sa Philippine Delegation sa 2015 Paris Climate Change Conference, na si Dingdong ang National Youth Commissioner, nag-away-away na ang pro-Aquino at pro-Duterte sa Instagram account ng actor.

Ang ganda ng post ni Dingdong at sa sinabing, “He was a formidable beacon of uprightness and incorruptibility during his administration. I am truly grateful that I had the opportunity to know him beyond work,” hinaluan na ng pulitika ng iba.

May mga nanawagan din na tumakbong senador si Dingdong sa 2022 elections at kahit sinabi na nitong hindi siya tatakbo, patuloy ang pangungumbinse sa kanya ng ilang tao na tumakbong senador.

Samantala, bibida ang amazing animals sa North America sa Amazing Earth this Sunday. Bilang host, ikukuwento ni Dingdong ang exciting adventures at unique stories mula sa nature documentary na Seven Worlds One Planet: North America at 7:40 PM sa GMA-7.

Tampok din ang kuwento ni Rev. Fr. Elmer Serrano Villamayor tungkol sa taong-putik festival, ang story ng mobile pantry organizer na si Ivo Ingua at ang Rural Rising Philippines advocacy ni Ace Estrada.