ni Angela Fernando - Trainee @News | February 12, 2024
Agad na isinugod sa ospital ang United States Defense Secretary na si Lloyd Austin.
Dinala sa Walter Reed National Military Medical Center ang US Sec. dahil sa sintomas sa kanyang bladder, ayon sa Pentagon press secretary na si Maj. Gen. Pat Ryder.
Ibinaba na ang detalye sa White House at US Congress.
Handa naman ang Deputy Defense Secretary na si Kathleen Hicks na gawin ang trabaho ni Austin kung kakailanganin.
Matatandaang hindi nagpaalam si Austin kay US Pres. Joe Biden sa kanyang pagkaospital nu'ng Enero na umani ng batikos.