Umamin kay Boy… ANGELICA, TUMANGGI SA MOVIE, 'DI HINABOL NG STAR CINEMA, SISING-SISI

ni Beth Gelena - @Bulgary Files | December 03, 2021

May regrets pala si Angelica Panganiban na hindi niya tinanggap ang pelikulang Four Sisters and A Wedding. Inamin niya ito sa programa ni Kuya Boy Abunda.

Ayon sa aktres, "'Yung Four Sisters, hanggang ngayon, hindi ko siya pinapanood."

Tanong ng King of Talk, bakit hindi siya napili na makasama sa movie?

“May mga hindi lang napagkasunduan sa mga agreement, so, huwag na lang.”

“Tapos, sabi ng Star Cinema, ‘Okay.’ Parang ako, ‘Bakit nag-okay sila kaagad?’” natatawang sabi ni Angge.

Ang Four Sisters and a Wedding ay pinagbidahan nina Bea Alonzo, Angel Locsin, Toni Gonzaga, at Shaina Magdayao bilang magkakapatid at ipinalabas ito nu'ng 2013.

Ang kani-kanilang role ay sina Teddie (Gonzaga), Bobbie (Alonzo), Alex (Locsin) at Gabbie (Magdayao).

Ang istorya ay may kani-kanya na silang buhay, pero muling nagsama-sama dahil mag-aasawa ang kaisa-isang kapatid na lalaki na ginampanan ni Enchong Dee.

Blockbuster ang nasabing movie kaya nagkaroon na ito ng prequel titled Four Sisters Before A Wedding which starred Alexa Ilacad as Bobbie, Gillian Vicencio as Alex, Charlie Dizon as Teddie, and Belle Mariano as Gabbie.