Ulirang ama raw ba ‘yan? PAOLO, ANG DAMING TIME KAY YEN PERO SA MGA ANAK, DEDMA!

ni Julie Bonifacio - @Winner | November 10, 2021

Akala ng iba ay humupa na ang isyu at pamba-bash kay Paolo Contis sa pang-iiwan sa dating live-in partner na si LJ Reyes at pagkakaugnay kay Yen Santos, pero hindi pa pala.

Sa muling “paglutang” sa social media nina Paolo at Yen, dagsa pa rin ang panlalait na ibinabato sa “magkaibigan”.

Unang nag-resurface si Yen sa socmed two months after pumutok ang mga larawan nila ni Paolo sa Baguio at burahin ang mga posts niya sa Instagram.

Ilang araw pa lang ang lumilipas nang muling nagparamdam sa socmed si Yen nu’ng nag-post siya ng kanyang IG story about “floss.”

"Hindi na ‘ko updated, I don’t get what’s with that floss thing," ayon sa isang netizen.

Nag-post kasi si Yen ng kanyang IG story na may nakalagay na: “Do you floss though.”

Tapos, nag-post din si Paolo sa IG story niya na may naka-insert na ganitong text, “Nagsuklay, pero ‘di nag-floss…(with laughing emoji).”

Duda ng mga ‘Marites,’ sagot ‘yan ni Paolo sa ‘floss’ sa IG story ni Yen.

“Baks, nag-post kasi si Ateng Yen sa IG story niya ng ‘Do you floss though.’ Tapos, nag-post din si Paolo sa IG story niya at ‘yan nga sagot n’ya. Ang sweet, ‘di ba?

“Ay, ang sweet, sa socmed nagsasagutan.”

“Naku, baka mag-trending pa ‘yang floss-floss na ‘yan, tsk-tsk. Pero ano ba ‘yung floss?”

“Pasimple na nilang sinisimulan ang revelation ng relasyon! Ganyang-ganyan karamihan ng artista, eh.”

Sa true lang, napaisip din kami na baka personal joke nina Paolo at Yen sa isa’t isa ang tungkol sa floss. Pero iba naman ang nasa isip ng mga netizens.

“Nagpapansin para maging relevant. La Ocean na kasi.”

“Dapat flaws hindi floss, mga walang kahihiyan.”

“Shameless!”

“Agree.”

“Kadiri! Aykenet! Gusto ko silang pag-untugin, sa totoo lang.”

“Tindi ng apog ng dalawang ‘toh.”

May unsolicited advice rin ang mga netizens kay Yen.

“Naku, Yen, if you want what's good for you, please run now. He is no good for you.”

“The audacity of these jerks, pasimpleng landian pa sa socmed ang jeje.”

“‘Di na kasi puwedeng mahuli sa paparazzi photos kaya pasimple na lang sila sa social media.”

May nagsabi rin na bukod sa “pagsuklay” at “pag-floss”, sana mag-confess na rin daw sina Paolo at Yen.

“‘Yun, ang haharot! Nagsuklay, nag-floss, sana nag-confess din.”

“Nakapagsuklay, check! Kumustahin mga anak, nagawa na ba?”

“Mag-floss kayo ng bad attitude n’yo para ma-clean ang soul n’yong dalawa... 2 innocent ang nawalan ng tatay, baks. Umayos na kayo, uy.”

“Wow, may time mag-reply sa social media, pero DEDMA s’ya sa mga anak n’ya. ULIRANG AMA award goes to Contis.”

Pati ang hitsura ni Paolo, ‘di pinalampas ng mga netizens.

“Grabe itinanda ni Contis. Mukha na siyang 40s!”

“I think 40 na rin naman na talaga si Paolo?”

“He’s 37. Hehe.”

In fairness, may nagtanggol din kay Paolo sa mga nanlait sa kanyang mukha.

“‘Teh, ano’ng gusto mo, ma-stuck na sa Ang TV days ang hitsura niya? Sana, lahat ng 40s, ganyan ang hitsura.”

Agree.