DANIEL AT KATHRYN, BOBOYKOTIN NG FANS DAHIL KAY KARLA

ni Nitz Miralles - @Bida | October 12, 2021

Marami ang pumuri sa KathNiel fans sa stand nila at isa na rito si Dr. Gia Sison na nag-tweet ng “Kathniel fans making a solid stand on 'We are Filipinos first' and giving more value to integrity over everything is commendable.”

May kinalaman ito sa inilabas na open letter ng KathNiel fans calling out Daniel Padilla and Kathryn Bernardo to make a stand sa in-open na isyu ng mga fans sa pagtakbo ni Karla Estrada sa Tingog Partylist. Hindi ito pinapaboran ng KathNiel fans dahil isa si Rep. Yedda Romualdez ng Tingog Partylist sa mga hindi bumoto para mabigyan ng new franchise ang ABS-CBN.

May nag-comment ng “Admirable, nag-mature na sila. Bravo KathNiels. I hope 'yung idol nila will take a stand,” “I stan KathNiel fans” at “A refreshing news coming from a celebrity fans. May other fan groups follow suit.”

As of yesterday, wala pang pahayag sina Daniel at Kathryn sa pagko-call out sa kanila ng KathNiel fans to make a stand, kahit binanggit sa open letter ng KathNiel fans na ititigil muna nila ang kanilang pagsuporta kina Daniel at Kathryn hanggang hindi sinasagot ang panawagan nila.

Disabled pa rin ang comment box ng Instagram ni Karla, kaya walang makapag-comment sa ipinost niyang accomplishments ng Tingog Partylist. May ipinost pa si Karla, sa IG story yata na “It’s just politics. Don’t let our political preferences destroy friendships & relationships. We need to respect each other’s choices.”