Tuloy ang laban ni Sangalang, Northcutt, nagpabilib sa The Apprentice

ni MC - @Sports | April 17, 2021

Dalawa pa mula sa mga kalahok ng The Apprentice: ONE Championship Edition ang na-eliminate noong Lunes sa edisyon kung saan bisita si Karate World Champion "Super" Sage Northcutt para samahan si Task Captain Dom Lau sa bubble soccer competition.

Nagpakita ng karate skills si Northcutt nang dumating ang Teams sa Tanjong Beach sa Sentosa. Dahil sa pahirapan ang teams na masipa ang bola patungo sa linya, isang 'di inaasahang goal ni Joy Koh na walang karanasan sa paglalaro ng soccer ay umiskor ng nag-iisang goal para sa Team Conquest na ikinapanalo nila.

Pagdating naman sa digital restaurant challenge, inatasan ang mga kalahok na lumikha ng Korean-Western-inspired digital restaurant brand gamit ang cloud-based kitchen platform TiffinLabs. Dapat ding magdagdag ng plant-based protein Tindle bilang sangkap sa dalawang signature dishes.

Solid brand concept ang iprinisinta ng Team Valor na impresibo para sa judges, pero hindi aprubado ang packaging kay ONE CEO Chatri Sityodtong. Pinuri ni Chatri ang detalye ng Team Conquest pero para sa kanya parang cheap fast food ang brand.

Gayunman, sa dakong huli, pinag-empake sina Kamolvattanavith at Sho Takei nang masalang sa chopping block at dito ay patuloy pa rin ang pakikipaglaban ni Pinoy Louie Sangalang. Napapanood ang The Apprentice ONE C'ship edition sa buong Asya mula sa Singapore, Indonesia, Malaysia, Hong Kong, Philippines, Taiwan, Thailand, Cambodia, Myanmar, at Vietnam.