Tulog kay Casimero si Rigo; Weightlifting sa TOPS on air

ni MC - @Sports | June 17, 2021

Instagram rigoelchacal305

Kumpiyansa si reigning IBF world super flyweight champion Jerwin Ancajas na isang power punch lang ang kailangan ni WBO world bantamweight champion John Riel Casimero para patulugin si Guillermo Rigondeaux sa kanilang laban na nakatakda sa August 14 sa Dignity Health Sports Park sa Carson, USA.

“In my opinion, Casimero is the favorite to win this fight. We all know that Rigondeaux is aging, in his last few fights he gets into brawls. He is not the same when he fought Donaire because back then he was very fast. He is not the same,” ani Ancajas. Naipanalo ni Casimero, 32, ang kanyang huling anim na laban sa pamamagitan ng knockout. Huli itong sumagupa kontra kay Duke Micah noong September sa Mohegan Sun Casino sa Uncasville, USA kung saan nagwagi ito via 3rd round technical knockout.

Pero pinaalalahan din ni Ancajas si Casimero na mag-ingat kay Rigondeaux dahil isa rin itong mahusay na fighter na may hawak na record na 20-1 at 13 via knockouts.

Nakilala si Rigondeaux matapos nitong talunin si Nonito Donaire via unanimous decision noong 2013. “Casimero's power will dictate the fight. This is a battle of power and technique. If can Casimero can land then he can put Rigo to sleep. This is a 50-50 fight,” ani Ancajas.

Samantala, magsasalita si Samahang Weightlifting ng Pilipinas president Monico Puentevella sa “Usapang Sports on Air” ng Tabloids Organization in Philippine Sports (TOPS) via Zoon ngayong umaga. Tatalakayin niya bilang pinuno ng SWP mula 2016 ang tsansa ng bansa sa Tokyo Olympics sa weekly public service program Philippine Sports Commission (PSC), Philippine Amusement and Gaming Corporation (PAGCOR) at Games and Amusements Board (GAB).

Makikipagtalakayan din sa 10 a.m. session sina Philippine Surfing team coach Ian Saguan at Nilbie Blancada hinggil sa kampanya sa 2021 ISA World Surfing Games (Olympic Qualifier) sa El Salvador.